ՀՀ վարչապետի ընտանիքը հայրենական հրուշակեղեն է նախընտրում
24.11.2009,
14:15
ՀՀ վարչապետի ընտանիքը հայրենական հրուշակեղեն է նախընտրում
ՀՀ վարչապետ Տիգրան Սարգսյանի ընտանիքը նախընտրում է հայրենական հրուշակեղեն:
«Մենք մեր ընտանիքում նախապատվությունը տալիս ենք «Գրանդ Քենդի» ընկերության արտադրանքին, քանի որ այն բավականին բարձր որակ ունի, իսկ գինը, շոկոլադե այլ արտադրանքի համեմատ, մրցակցային առավելություն ունի», - երեքշաբթի «Գրանդ Քենդի» հրուշակեղենի ֆաբրիկա այցելելուց հետո լրագրողներին ասաց Սարգսյանը:
«Գրանդ Քենդի» ընկերությունը ստեղծվել է 2000 թ.-ին և կարճ ժամանակահատվածում դարձել Հայաստանի հրուշակեղենի առաջատար ֆաբրիկան, որն արտադրում է ավելի քան 300 անուն արտադրանք, այդ թվում նաև կոնֆետներ, թխվածքաբլիթներ, սուրճ, պաղպաղակ:
«Գրանդ Քենդին» Անդրկովկասի միակ ընկերությունն է, որը զբաղվում է կակաոյի վերամշակմամբ:-0-
Պատճենել հղումը
