«Բարգավաճ Հայաստան» կուսակցության պատվիրակությունը կմասնակցի «Եդինայա Ռոսիա» կուսակցության համագումարին

ԵՐԵՎԱՆ, 20 նոյեմբերի. /Նովոստի-Արմենիա/. «Բարգավաճ Հայաստան» կոալիցիոն կուսակցության պատվիրակությունը կմասնակցի Պետերբուրգում անցկացվող «Եդինայա Ռոսիա» («Միասնական Ռուսաստան») կուսակցության համագումարին, հաղորդեց ԲՀԿ խմբակցության քարտուղար Արամ Սաֆարյանը:

«Այսօր «Բարգավաճ Հայաստան» կուսակցության նախագահ Գագիկ Ծառուկյանի գլխավորած պատվիրակությունը Սանկտ-Պետերբուրգում է, որպեսզի մասնակցի «Եդինայա Ռոսիա» կուսակցության համագումարին: ՀՀԿ պատվիրակությունն արդեն Պետերբուրգում է. այս կուսակցությունը նույնպես համագործակցում է «Եդինայա Ռոսիա» կուսակցության հետ:

Սանկտ Պետերբուրգում անցկացվող հանդիպումների ժամանակ, պատգամավորի խոսքով, կքննարկվեն երիտասարդ թևերի համագործակցության հեռանկարները, «Եդինայա Ռոսիա»-ի, ՀՀԿ-ի և ԲՀԿ-ի ներկայացուցիչների մասնակցությամբ կլոր սեղանի անցկացումը Երևանում:-0-