ՀՀ արտգործնախարարության շենքում բռնկված հրդեհի հետևանքով այրվել են մի քանի մետր երկարությամբ էլեկտրական մալուխներ
ԵՐԵՎԱՆ, 9 նոյեմբերի. /Նովոստի-Արմենիա/. Հինգշաբթի առավոտյան Կառավարության թիվ 2 շենքում, որտեղ գտնվում է ՀՀ արտգործնախարարությունը, բռնկված հրդեհի հետևանքով մի քանի մետր երկարությամբ էլեկտրական մալուխներ են այրվել, «Նովոստի-Արմենիա» գործակալությանը տեղեկացրեցին ՀՀ ԱԻՆ Փրկարար ծառայությունից:
Տեղեկատվության համաձայն, նոյեմբերի 19-ին, ժամը 06.54-ին ՀՀ ԱԳ նախարարության ոստիկանության հերթապահից ահազանգ է ստացվել այն մասին, որ Կառավարության թիվ 2 շենքում էլեկտրական մալուխներ են այրվում:
Դեպքի վայր է մեկնել երկու մարտական հաշվարկ, ինչպես նաև փրկարար ուժերի վարչության հերթապահ խումբը:
Հրդեհը մեկուսացվել է 20 րոպե անց, մարվել` ահազանգը ստանալուց հետո 40 րոպե անց:
Էլեկտրական մալուխների հորանի 1-ին և 2-րդ հարկերի միջանկյալ հատվածում այրվել են 5 մ երկարությամբ մալուխներ:-0-
