ՀՀ ոստիկանապետը բարձր է գնահատում համագործակցությունը Լեհաստանի ոստիկանության հետ
ԵՐԵՎԱՆ, 18 նոյեմբերի. /Նովոստի-Արմենիա/. Հայաստանի Հանրապետության ոստիկանության պետ, ոստիկանության գեներալ-մայոր Ալիկ Սարգսյանը բարձր է գնահատում Լեհաստանի ոստիկանության հետ համագործակցությունը, ասվում է հանրապետության Ոստիկանության պաշտոնական կայքում տեղակայված տեղեկատվության մեջ:
Ալիկ Սարգսյանն այս մասին հայտնել է ՀՀ-ում Լեհաստանի Հանրապետության գործերի ժամանակավոր հավատարմատար Պշեմիսլավ Գրոբովսկու հետ հանդիպման ժամանակ:
Հանդիպման ժամանակ Ալիկ Սարգսյանը բարձր գնահատեց ՀՀ ոստիկանության և Լեհաստանի Հանրապետության ներքին գործերի և վարչակազմի նախարարության միջև առկա համագործակցությունն ու անդրադառնալով արդեն իսկ կատարված աշխատանքներին` հույս հայտնեց, որ փոխհամագործակցության շրջանակներում նախատեսվող առաջիկա ծրագրերը ևս կնպաստեն երկու երկրների ուժային գերագեսչությունների համագործակցությանն ու երկուստեք հետաքրքրություն ներկայացնող ծրագրերի իրականացմանը:
Հանդիպման ընթացքում ներկայացվեցին Հայաստանի և Լեհաստանի ոստիկանական մարմինների փոխգործակցության ոլորտները:
Քննարկվեցին նաև երկուստեք հետաքրքրություն ներկայացնող այլ հարցեր:
ՀՀ-ում Լեհաստանի Հանրապետության գործերի ժամանակավոր հավատարմատար Պշեմիսլավ Գրոբովսկին շնորհակալություն հայտնեց ՀՀ ոստիկանության պետ, ոստիկանության գեներալ-մայոր Ալիկ Սարգսյանին` ջերմ ընդունելության համար:
Հանդիպումն անցավ փոխըմբռնման մթնոլորտում:-0-
