Հայաստանը շարունակում է իր ռեստավրացիոն դպրոցների վերականգնման աշխատանքները. փորձագետ

ԵՐԵՎԱՆ, 13 նոյեմբերի. /Նովոստի-Արմենիա/. Հայաստանը շարունակում է իր ռեստավրացիոն  դպրոցների վերականգնման աշխատանքները, ասաց արվեստաբանության դոկտոր, Երևանի պետական համալսարանի ՅՈՒՆԵՍԿՕ-ի հայկական արվեստի պատմության ամբիոնի վարիչ Լևոն Չուքասզյանը։

«Մենք չեն դադարեցրել մեր ռեստավրացիոն դպրոցների վերականգնման աշխատանքները, այդ հարցն օրակարգային է, և վաղ թե ուշ ռեստավրացիայի մեր դպրոցները կվերականգնվեն»,- ուրբաթ «Նովոստի» միջազգային մամուլի կենտրոնում կայացած մամուլի ասուլիսում ասաց Չուքասզյանը։
 
Նա հիշեցրեց, որ վերջին 7-8 տարիների ընթացքում Հայաստանի մի շարք երիտասարդ մասնագետներ, այդ թվում՝ ԵՊՀ արվեստագիտության ֆակուլտետի մասնագետներ, վերապատրաստում են անցել Վենետիկի ռեստավրացիայի միջազգային ակադեմիայում և Ֆլորենցիայի «Պալացո Սպինելի» արվեստի և ռեստավրացիայի ինստիտուտում։

Փորձագետի խոսքերով՝ ներկայումս վերապատրաստում անցած բոլոր երիտասարդ մասնագետները վերադարձել են Հայաստան, բայց ոչ բոլորն են այժմ աշխատում ռեստավրացիայի ոլորտում։ Չուքասզյանը հիշեցրեց, որ Հայաստանն ունի ռեստավրացիոն կենտրոնների պատմություն, մասնավորապես, ԵՊՀ-ում գործել է կավե իրերի ռեստավրացիայի կենտրոն, իսկ Հնագույն ձեռագրերի պահոցում՝ Մատենադարանում գործել է ռեստավրացիոն դպրոց, որը, մասնավորապես, զբաղվել է ձեռագրերի վերականգնմամբ։

«Ցավոք, ներկայումս ռեստավրացիոն աշխատանքների կազմակերպումը հենց Հայաստանում չի անցկացվում։ Մենք փորձել ենք գերմանացի մասնագետների հետ ռեստավրացիայի կենտրոն ստեղծել ԵՊՀ-ում և նույնիսկ որոշ պայամանավորվածություններ ենք ձեռք բերել, բայց գերմանական կողմը չկարողացավ ֆինանսավորման համապատասխան աղբյուրներ գտնել»,- ասաց Չուքասզյանը։

Ավելի վաղ Հայաստանի մշակույթի նախարարի խորհրդական Սոնա Հարությունյանը հայտնել էր, որ Արագածոտնի մարզի Աշտարակ քաղաքում կստեղծվի ռեստավրատորների դպրոց։ -0-