Հայաստանում մի տղամարդ մահացել է սնդիկի գոլորշուց

ՀՀ Գեղարքունիքի մարզի բնակիչը մահացել է հիվանդանոցում սնդիկից ստացած թունավորման հետևանքով, «Նովոստի-Արմենիա» գործակալությանը տեղեկացրեցին ՀՀ Փրկարար ծառայությունից:

«56-ամյա տղամարդը տեղափոխվել է Երևանի «Էրեբունի» բժշկական կենտրոն, որտեղ նույն օրը մահացել է», - ասվում է տեղեկատվության մեջ: Տուժածի կինը ստացել է թեթև թունավորվածություն:

Տեղում իրավիճակն ուսումնասիրելու նպատակով դեպքի վայր է մեկնել Հայաստանի փրկարար ծառայության բնակչության և տարածքների պաշտպանության վարչության և ՀՀ առողջապահության նախարարության պետական հիգիենիկ հակահամաճարակային տեսչության աշխատակիցներից կազմված օպերատիվ խումբը:

Տանը հայտնաբերվել են սնդիկի հատիկներ, հետազոտության համար օդից նմուշներ են վերցվել:-0-