Ավելի քան 19 հազար հայ ուսանող կկարողանա 2010 թվականին բարձրագույն կրթություն ստանալ պետության հաշվին. նախարար
Ավելի քան 19 հազար հայ ուսանող կկարողանա 2010 թվականին բարձրագույն կրթություն ստանալ Հայաստանի պետբյուջեի հաշվին, երեքշաբթի մամուլի ասուլիսում հայտարարեց Հայաստանի կրթության և գիտության նախարար Արմեն Աշոտյանը։
«Հայաստանի պետբյուջեի հաշվին 2010 թվականին կֆինանսավորվի 19,1 հազար ուսանողի ուսումը։ Այսպիսով, նրանք Հայաստանի բուհերում անվճար ուսուցման հնարավորություն կստանան»,- տեղեկացրեց նախարարը։
Հայաստանի բարձրագույն կրթության ոլորտին երկրի պետբյուջեի նախագծով 2010 թվականին նախատեսվում է հատկացնել 7,5 մլրդ դրամ, ինչը 0,6 տոկոսով ցածր է 2009 թվականի ցուցանիշից։
Կրթության ոլորտի ֆինանսավորման բյուջետային ծախսերը 2010 թվականին կկազմեն 95,4 մլրդ դրամ կամ ՀՆԱ ծավալի մոտ 3 տոկոսը։ 2009 թվականին ոլորտի բյուջետային ծախսերը կկազմեն 108 մլրդ դրամ։ -0-
