ՀՀ կրթության և գիտության նախարարը խորհուրդ է տալիս չշտապել կրթության ոլորտում Թուրքիայի հետ համագործակցելու հարցում
ԵՐԵՎԱՆ, 10 նոյեմբերի. /Նովոստի-Արմենիա/. ՀՀ կրթության և գիտության նախարար Արմեն Աշոտյանը խորհուրդ է տալիս չշտապել կրթության և գիտության ոլորտում Թուրքիայի հետ համագործակցելու հեռանկարների քննարկման կապակցությամբ:
«Նման համագործակցության մասին կարելի է մտածել միայն հայ-թուրքական արձանագրությունների վավերացումից հետո: Չարժե շտապել այդ հարցում և ժամանակից շուտ ծրագրեր կառուցել», - երեքշաբթի մամուլի ասուլիսի ժամանակ նշեց Աշոտյանը:
Հայաստանի և Թուրքիայի արտգործնախարարները հոկտեմբերի 10-ին Ցյուրիխում ստորագրեցին երկկողմ հարաբերությունների կարգավորման արձանագրությունները:
Հայաստանի և Թուրքիայի միջև չկան դիվանագիտական հարաբերություններ, իսկ 1993-ից, պաշտոնական Անկարայի նախաձեռնությամբ, փակ է հայ-թուրքական սահմանը։
Երկու երկրների միջև բարդ հարաբերությունները պայմանավորված են մի շարք հանգամանքներով, որոնք կապված են, մասնավորապես, Անկարայի՝ ադրբեջանական դիրքորոշման պաշտպանությամբ ղարաբաղյան հարցում, ինչպես նաև Թուրքիայի սուր արձագանքի հետ 1915 թվականին Օսմանյան կայսրությունում Հայոց ցեղասպանության միջազգային ճանաչման հետ կապված։ -0-
