Հայաստանում երեք անձից վերցրած А/H1N1 վիրուսի անալիզները դրական էին, սակայն արդյունքները պետք է հաստատվեն լոնդոնյան լաբորատորիայում, Հայաստանի հանրային հեռուստատեսությանը տված հարցազրույցում ասել է հանրապետության գլխավոր վարակաբան Արա Ասոյանը:
«Մենք արձանագրել ենք, որ մեր լաբորատորիայի ուժերով այդ վիրուսը հայտնաբերվել է երեք քաղաքացու մոտ, սակայն սահմանված կարգի համաձայն՝ այդ հիվանդության առաջին դեպքերը պետք է հաստատի լոնդոնյան լաբորատորիան: Այդ երեք քաղաքացիների անալիզներն արդեն ուղարկվել են Լոնդոն, և մենք սպասում ենք պատասխանին: Սակայն մեզ մոտ նրանց հետազոտությունները տվել են դրական արդյունք», - ասել է Ասոյանը:-0-
