Հայաստանի պաշտպանության նախարարությունը հատուկ ուշադրություն է դարձնում զորակոչիկների առողջությանը. վարչության ղեկավար

ԵՐԵՎԱՆ, 9 նոյեմբերի. /Նովոստի-Արմենիա/. ՀՀ պաշտպանության նախարարությունը հատուկ ուշադրություն է դարձնում զորակոչիկների առողջությանը, երկուշաբթի լրագրողներին ասաց ՀՀ պաշտպանության նախարարության կազմակերպչական մոբիլիզացիոն վարչության պետ, գնդապետ Առաքել Մարտիկյանը:  

«Հայաստանի Զինված ուժերին  անառողջ զինվորներ պետք չեն: Այս տարի մենք հատուկ ուշադրություն ենք դարձնում զորակոչիկների առողջական վիճակին, և անհրաժեշտության դեպքում զորակոչիկներն անցնում են լրացուցիչ բուժզննում»,- ասաց Մարտիկյանը:

Նրա խոսքով՝ առողջության հետ խնդիրներ ունեցող զորակոչիկների շրջանում, նախկինի նման, առավել տարածված են սրտանոթային հիվանդությունները: Բացի այդ, անբավարար քաշը ևս ամենատարածված պատճառներից մեկն է զորակոչիկին ժամկետային ծառայության համար ոչ պիտանի ճանաչելու համար:

Մարտիկյանը նշեց նաև, որ անհանգստության ոչ մի առիթ չկա նորակոչիկների քանակի առնչությամբ: -0-