մեծապես շահագրգռված է զարգացնելու քաղաքական երկխոսությունը, տնտեսական ու մշակութային համագործակցությունը Քուվեյթի պետության հետ, հայտարարել է ՀՀ նախագահ Սերժ Սարգսյանը Քուվեյթի Էմիր շեյխ Սաբահ ալ-Ահմադ ալ-Ջաբեր ալ-Սաբահի հետ հանդիպման ընթացքում:
«Հայաստանի իշխանությունները պատրաստ են մանրամասնորեն քննարկելու, պատշաճ միջավայր ապահովելու և համակողմանի օժանդակություն ցուցաբերելու Հայաստանում հնարավոր ներդրումային ծրագրերի իրականացման հարցում», - մեջբերել են նախագահի խոսքերը ՀՀ նախագահի մամուլի ծառայությունից:
Էմիր շեյխ Սաբահ ալ-Ահմադ ալ-Ջաբեր ալ-Սաբահն իր հերթին վստահություն է հայտնել, որ նախագահ Սարգսյանի այցը մեծ ազդակ կլինի տարբեր բնագավառներում փոխգործակցությունը նոր թափով առաջ մղելու համար` հիմքում ունենալով արաբ ու հայ ժողովուրդների դարավոր բարեկամությունը:
«Չկա մեր հարաբերությունների զարգացմանը խոչընդոտող որևէ հանգամանք կամ խնդիր: Նման բարձր մակարդակի հանդիպումները կարելի է համարել երկկողմ հարաբերությունների զարգացման նոր խթան»,- ասել է նա:
Հանդիպման ընթացքում մտքեր են փոխանակել նաև տարածաշրջանային անվտանգության, առկա խնդիրների ու հակամարտությունների լուծման գործընթացների շուրջ:
Սերժ Սարգսյանը Քուվեյթի առաջնորդին տեղեկացրել է Հայաստան-Թուրրքիա հարաբերությունների կարգավորման գործընթացի ներկա փուլի և Արցախյան հիմնախնդրի էության ու բանակցային գործընթացի մասին:
Զրուցակիցները կարևորել են երկու երկրների համագործակցությունը բազմակողմ ձևաչափերում` միջազգային կազմակերպությունների ու կառույցների շրջանակում:
Նախագահ Սարգսյանը վստահություն է հայտնել, որ դեսպանությունների բացումը և երկու երկրների արտգործնախարարությունների միջև մշտական քաղաքական խորհրդակցությունները հնարավորություն կընձեռեն առավել մոտիկից ու համակողմանիորեն հասկանալու միմյանց խնդիրները, ինչն իր հերթին կնպաստի միջազգային կազմակերպություններում տեղի ունեցող քննարկումների ու քվեարկությունների ժամանակ առավել հիմնավորված դիրքորոշումների արտահայտման:-0-
