Հայաստանի գազահամակարգին միացել է 589 հազար բաժանորդ. «ՀայՌուսգազարդ»

ԵՐԵՎԱՆ, 4 նոյեմբերի. /Նովոստի-Արմենիա/. 2009 թվականի նոյեմբերի 1-ի դրությամբ հանրապետության գազահամակարգին է միացված 589419 բաժանորդ, չորեքշաբթի «Նովոստի-Արմենիա» գործակալությանը հայտնեցին «ՀայՌուսգազարդ» ընկերության մամուլի ծառայությունից։

Հաղորդագրության համաձայն, ընթացիկ տարվա առաջին տասն ամիսներին «ՀայՌուսգազարդ» ՓԲԸ փաստացի գազասպառող բաժանորդների թիվն ավելացել է 15464-ով, որից 2411-ը՝ հոկտեմբեր ամսին:

«ՀայՌուսԳազարդ» ՓԲԸ-ն Հայաստանի ներքին շուկայում ռուսական բնական գազի մատակարարման և տեղաբաշխման ոլորտի մենաշնորհատերն է։ Գազը Հայաստան է մտնում Վրաստանի միջով:

Ընկերությունը ստեղծվել է 1997 թվականին։ «Գազպրոմ» ՍՊԸ-ի մասնաբաժինն ընկերության  կանոնադիր կապիտալում կազմում է 80 տոկոս, Հայաստանի կառավարության մասնաբաժինը՝ 20 տոկոս։ -0-