երկրին ֆինանսական աջակցության ցուցաբերման ծրագրի շրջանակներում:
Ինչպես երեքշաբթի «Նովոստի-Արմենիա» գործակալությանը տեղեկացրեցին ԱՄՀ մամուլի ծառայությունից, ԱՄՀ-ի գործադիր խորհուրդը նախօրեին ավարտել է «Stand-By» համաձայնագրի շրջանակներում Հայաստանի տնտեսական կատարողականի երկրորդ եզրափակիչ ստուգումը:
Նիստի ընթացքում խորհուրդը հաստատել է իր միջնորդությունը, մասնավորապես, 2009 թ.-ի սեպտեմբերի վերջի դրությամբ բյուջեի չկատարման հետևանքները բացառելու համար, ինչպես նաև 2009 թ.-ի դեկտեմբերի վերջի դրությամբ մակրոտնտեսական վերանայված ցուցանիշների կապակցությամբ:
«Վերը նշված որոշումներից հետո հնարավոր է դարձել Հայաստանին անմիջականորեն տրամադրել 37,72 միլիոն SDR (շուրջ 60 միլիոն դոլար), ինչի արդյունքում տրամադրվող գումարի ընդհանուր ծավալը հասնում է 301,94 միլիոն SDR-ի (շուրջ 479 միլիոն դոլար)», - ասվում է տեղեկատվության մեջ:
Միջոցները տրամադրվում են Կենտրոնական բանկին՝ միջազգային պահուստների համալրման նպատակով:
«Stand-By» 28-ամսյա համաձայնագիրը հաստատվել է 2009 թ.-ի մարտի 6-ին, ընդ որում Հայաստանի համար հասանելի գումարի ծավալն ավելացվել է 2009 թ.-ի հունիսի 22-ին:
Ընթացիկ տարվա հունիսին ընդունված ԱՄՀ-ի գործադիր խորհրդի որոշման համաձայն՝ ԱՄՀ-ի կողմից Հայաստանին տրամադրվող ֆինանսական աջակցությունը 540 միլիոն դոլարից հասել է 820 միլիոն դոլարի, որոնցից 400 միլիոն դոլարն արդեն փոխանցվել է Հայաստանին: Միջոցները տրամադրվում են հինգ տարի ժամկետով, 3 տարի և 3 ամիս արտոնյալ ժամանակահատվածով՝ SDR դրույքով:-0-
