ԵՐԵՎԱՆ, 2 հոկտեմբերի. /Նովոստի-Արմենիա/. Հայաստանում 2009թ.-ի հունվար-սեպտեմբեր ամիսների արդյունքներով 49,8 տոկոսով կրճատվել է կոնյակի արտադրությունը: Ազգային վիճակագրական ծառայության տվյալներով` ընթացիկ տարվա հունվար-սեպտեմբեր ամիսների ընթացքում երկրում արտադրվել է 6801 հազար լիտր կոնյակ, ինչը 40,4% տոկոսով պակաս է նախորդ տարվա նույն ժամանակահատվածի ցուցանիշից:
Միևնույն ժամանակ երկրում արտադրվել է 1,3% -ով պակաս օղի և ալկոհոլային արտադրանք (8282,8 հազար լիտր):
Հաշվետու ժամանակահատվածում գինու արտադրության աճ է գրանցվել 12,7%-ով՝ հասնելով 2330,7 հազար լիտրի, իսկ գարեջուր արտադրվել է 8726,5 հազար լիտր՝ 2008 թվականի նույն ժամանակահատվածի համեմատ:
Ընթացիկ տարվա հունվար-սեպտեմբեր ամիսների ընթացքում շամպայն գինիների արտադրությունը կազմել է 144,8 հազար լիտր, ինչը 9,4% պակաս է նախորդ տարվա նույն ժամանակահատվածի ցուցանիշից:
Միաժամանակ, վիճակագրական տվյալների համաձայն, ոչ ալկոհոլային խմիչքների արտադրությունը (լիմոնադներ, գազավորված ու էներգետիկ ըմպելիքներ և այլն) Հայաստանում կրճատվել է 17,7%՝ կազմելով 26,4 մլն լիտր։ ($1 – 384,07 դրամ)-0-
