Պենդերեցկին զարմացած է դասական երաժշտության հանդեպ հայ երիտասարդության հետաքրքրությամբ

Աշխարհահռչակ լեհ կոմպոզիտոր Քշիշտոֆ Պենդերեցկին զարմանք հայտնեց դասական երաժշտության հանդեպ հայ երիտասարդության հետաքրքրության առնչությամբ։

«Համերգներին տեսնելով երիտասարդ լսարանը, որն ընդունեց ընկալման համար իմ բավականին բարդ երաժշտությունը, ես անկեղծորեն զարմացած և ուրախացած էի: Եվրոպական ոչ մի երկրում երիտասարդությունը այնպիսի հետաքրքրություն չի ցուցաբերում դասական երաժշտության հանդեպ, ինչպես Հայաստանում»,- ասաց նա ուրբաթ մամուլի ասուլիսի ժամանակ:

Հոկտեմբերի 26-29-ը Երևանում «21-ի հեռանկարները» 10-րդ միջազգային երաժշտական փառատոնի շրջանակներում անցկացվում էին «Հայաստանում Քշիշտոֆ Պենդերեցկու օրերը»: 

Կոմպոզիտորն ընդհանուր առմամբ գոհ էր նվագախմբի կատարման որակից՝ նշելով, որ չնայած նման բարդ երաժշտություն կատարելու փորձի պակասին, երաժիշտներն արեցին հնարավոր ամեն բան: 

Փառատոնի շրջանակներում Արամ Խաչատրյանի անվ. համերգասրահում և Կոմիտասի անվ. Կամերային երաժշտության տանը կատարվել է կոմպոզիտորի շուրջ 24 ստեղծագործություն:  

Պենդերեցկին նշել է փառատոնի մասնակիցների հեղինակավոր ցուցակն այս տարի, որոնց թվում է «Շանհայ» հանրահայտ քառյակը, «Հովեր» հայկական եկեղեցական երգչախումբը, որն այս տարի կմասնակցի «Բեթհովենի» դասական երաժշտության միջազգային լեհական փառատոնին:  

Կոմպոզիտորը նշեց, որ երկրորդ անգամ է Հայաստանում և ապագայում ևս ուրախությամբ կգա այստեղ:

ՀՀ նախագահ Սերժ Սարգսյանը ճանաչված լեհ կոմպոզիտոր Քշիշտոֆ Պենդերեցկուն պարգևատրել է Պատվո Շքանշանով: -0-