Հայ շինարարներին վերաորակավորման դասընթացներ են պետք. վարչապետ

ԵՐԵՎԱՆ, 30 հոկտեմբերի. /Նովոստի-Արմենիա/. Հայ շինարարների շրջանում վերաորակավորման դասընթացներ է պետք անցկացնել:

Ինչպես ուրբաթ Հայաստանի շինարարների միության երրորդ համագումարի ժամանակ հայտարարեց ՀՀ վարչապետ Տիգրան Սարգսյանը, այդ դասընթացների նպատակը շինարարներին ժամանակակից աշխարհի նորագույն շինարարական գիտելիքների մակարդակի բարձրացնելն է:

«Կարծում եմ, որ Հայաստանի շինարարների միության կարևորագույն առաքելություններից մեկը հենց դա է՝ նման դասընթացների ու սեմինարների կազմակերպումն ու անցկացումը»,- ընդգծեց նա:

Այս առնչությամբ վարչապետը վստահություն հայտնեց, որ ժամանակակից տեխնոլոգիաների ներմուծումը նոր առաջադրանքներ է ստեղծում և առաջին հերթին՝ պետության համար:

«Մենք պետք է ի վիճակի լինենք իրավական դաշտ ստեղծել, որը հաշվի կառնի ժամանակակից քաղաքաշինության առանձնահատկությունները»,- ասաց նա՝ հավելելով, որ զգալի շեշտւ պետք է դնել շինարարների շրջանում կադրերի վերապատրաստման վրա:-0-