Երևան-Արարատ տակտային էլեկտրագնացքը կգործարկվի նոյեմբերի 1-ից

ԵՐԵՎԱՆ, 28 հոկտեմբերի. /Նովոստի-Արմենիա/. Տեղական հաղորդակցության երկաթուղային փոխադրումների ցանցի ընդլայնման նպատակով, «Հարավկովկասյան երկաթուղի» ՓԲԸ ղեկավարությունը որոշում է ընդունել նոյեմբերի 1-ից Երևան-Արարատ երթուղով տակտային երթևեկության արվարձանային էլեկտրագնացք նշանակելու մասին, հայտնում է ընկերության մամուլի ծառայությունը:   

«Ժամանակացույցի համաձայն, էլեկտրագնացքը Երևանի կայարանից կմեկնի օրվա մեջ երկու անգամ՝ 9:30-ին և 14:10-ին (ժամանումը Արարատ կայարան համապատասխանաբար 10:33 և 15:13): Արարատից էլեկտրագնացքը կմեկնի 11:05 և 15:35-ին (ժամանումը Երևանի կայարան համապատասխանաբար 12:08 և 16:38-ին)», - ասվում է հաղորդագրության մեջ:
    
«Այսպիսով, Երևանից Արարատ և հակառակ ուղղությամբ այժմ կարելի է հասնել ընդամենը 63 րոպեում: Տոմսի արժեքն է 300 դրամ (1 դոլարից էլ պակաս): Ուսանողների համար նախատեսվում է 50 տոկոսանոց զեղչ»,- նշվում է հաղորդագրության մեջ: -0-