Հայաստանի շախմատի կանանց հավաքականը ոչ-ոքի է խաղացել Ադրբեջանի հավաքականի հետ Նովի Սադ (Սերբիա) քաղաքում անցակացվող Եվրոպայի թիմային առաջնության հինգերորդ տուրում, տեղեկացնում է մրցաշարի պաշտոնական կայքը։
Էլինա Դանիելյան-Զեյնաբ Մամեդյարովա, Լիլիթ Մկրտչյան-Նարմին Կազիմովա, Նելլի Աղինյան-Տուրկան Մամեդյարովա, Սիրանուշ Անդրիասյան-Հայալա Իսգանդարովա բոլոր չորս պարտիաներն ավարտվեցին ոչ-ոքի։
Հինգերորդ տուրից հետո Հայաստանի հավաքականը 7 միավորով բածանում է 5-7-րդ տեղերը Ռումինիայի և Ֆրանսիայի թիմերի հետ։ 9 միավորով առաջատար է Վրաստանի հավաքականը։
6-րդ փուլում հայ շախմատիստուհիները կխաղան Ֆրանսիայի հավաքականի հետ։
Տղամարդկանց թիմերի մրցումներում Հայաստանի հավաքականը նույնպես խաղաց ոչ-ոքի։ Հինգերորդ տուրում հայ շախմատիստները կիսեցին միավորները Ֆրանսիայի թիմի հետ, և ներկայումս 7 միավորով կիսում են 4-10-րդ տեղերը Հունգարիայի, Ֆրանսիայի, Իսպանիայի, Նիդերլանդների, Ուկրաինայի թիմերի և Սերբիայի առաջին հավաքականի հետ։
10 միավորով առաջատարի դիրքում է Ադրբեջանը։ 6-րդ փուլում Հայաստանը կխաղա Իսպանիայի, իսկ Ադրբեջանը՝ Ռուսաստանի հետ։ -0-
