Հայ Եկեղեցու ներկայացուցիչը մասնակցում է Կալկաթայում անցկացվող «Ասիական քրիստոնեական կոնֆերանսի» էկումենիկ ծրագրին

Հայ Առաքելական Եկեղեցու ներկայացուցիչը մասնակցում է Կալկաթայում անցկացվող «Ասիական քրիստոնեական կոնֆերանսի» էկումենիկ ծրագրի «Միասին ապրել Աստծո տան մեջ» թեմայով 2009 թ. դասընթացներին։

«Հայոց Եկեղեցին ներկայացնում է Կալկաթայի Հայոց Մարդասիրական ճեմարանի վարչական տնօրեն Ավետիս քահանա Համբարձումյանը»,- «Նովոստի-Արմենիա» գործակալությանը հայտնեց ին ճեմարանից։

Միջոցառմանը մասնակցում են Ասիական երկրների քրիստոնեական եկեղեցիների և կազմակերպությունների ներկայացուցիչները:

Հոկտեմբերի 25-ին ծրագրի ղեկավարներ, դոկտ. Հոպ Ս. Անտոնի և դոկտ. Լոնգչար Վատիյի գլխավորությամբ մասնակիցներն այցելեցին Կալկաթայի Սբ. Գրիգոր Լուսավորիչ հայկական եկեղեցի` ներկա գտնվելու Սուրբ Պատարագին և ավելի մոտ ծանոթանալու Հայ եկեղեցուն:

Օրվա պատարագիչն էր Ավետիս քահանան: Նախքան պատարագի սկսվելը, Տեր հայրը բարի գալուստ մաղթեց հյուրերին` նշելով, որ Հայ Առաքելական Սուրբ եկեղեցին նույնպես ակտիվորեն մասնակցում և մեծ հետաքրքրություն է ցուցաբերում էկումենիկ շարժմանը, ձգտելով առավել սերտ կապեր հաստատել քրիստոնեական քույր եկեղեցիների և հարանվանությունների հետ: -0-