Հայաստանի օմբուդսմենը 2009 թ.-ին երկրում դրական տեղաշարժեր է նշում մարդու իրավունքների պաշտպանության ոլորտում
ԵՐԵՎԱՆ, 26 հոկտեմբերի. /Նովոստի-Արմենիա/. Հայաստանի օմբուդսմեն Արմեն Հարությունյանը 2009 թ.-ին երկրում դրական տեղաշարժեր է նշում մարդու իրավունքների պաշտպանության ոլորտում։
Ինչպես երկուշաբթի Հարությունյանը խորհրդարանում 2008 թ.-ի գործունեության մասին հաշվետվությունը ներկայացնելուց հետո հայտնեց լրագրողներին, օմբուդսմենի գրասենյակի զեկույցը 2009 թ.-ի իրավիճակի առնչությամբ դեռևս գտնվում է պատրաստության փուլում, սակայն դրանում արդեն որոշակի դրական տեղաշարժեր են նշվում:
«2008 թ.-ին իրավիճակը տխուր էր, և մենք անգամ դատախազությունն ու հատուկ քննչական մարմինները հետադիմական մարմիններ ենք ճանաչել: Սակայն արդեն 2009 թ.-ին մենք դրական գործ ունենք Հատուկ քննչական ծառայության հանդեպ»,- ասաց Հարությունյանը:
Նրա խոսքերով՝ գրասենյակի համագործակցությունը պետական մարմինների հետ զգալիորեն հեշտացել է, քանի որ պետական կառույցները սկսել են վարժվել շփման կուլտուրային, որոշ հարցերի ու մեղավորներին պատասխանտվության ենթարկելու կարգավորմանը:
«Համատեղ գործունեության շնորհիվ 2009 թ.-ի մեզ հաջողվել է վերականգնել շուրջ 39 փախստական ընտանիքների իրավունքը: Սա այնքան էլ մեծ ցուցանիշ չէ, բայց գլխավորն այն է, որ սառույցը կոտրվել է, հայտնվել է Մարդու իրավունքների գրասենյակի հետ շփման ավանդույթ և կուլտուրա»,- ասաց Հարությունյանը:
Ընդ որում օմբուդսմենը նշեց, որ խելամիտ չի համարում 2008 թ.-ի գործունեության մասին հաշվետվության քննարկման անցկացումը 2009 թ.-ի վերջին:
«Ցանկալի է հաշվետվության քննարկում անցկացնել այն ներկայացնելու շրջանում, քանի որ այժմ մթնոլորտը փոփոխվել է, ըմբռնման որոշակի խզում է ի հայտ գալիս և իրավիճակի թերի ընկալում: Այդ իսկ պատճառով քննարկումը ճիշտ է անցկացնել տարվա առաջին եռամսյակում, երբ զեկույցը ներկայացվում է խորհրդարան, երբ տեղեկատվությունն ավելի արդիական է, իսկ եզրակացություններն ավելի հեշտ է անել»,- ասաց Հարությունյանը:
Օմբուդսմենի զեկույցի համաձայն՝ 2008 թ.-ին գրասենյակ է ստացվել 4090 բողոք 5806 քաղաքացուց, ինչը 10 տոկոսով ավելի է 2007 թ.-ի ցուցանիշից: Դրական լուծում է ստացել դիմումների շուրջ 10 տոկոսը: 2008 թ.-ին օմբուդսմենի գրասենյակի գործունեության շնորհիվ վերականգնվել են 429 մարդու իրավունքներ: -0-
