«Տաշիր» ընկերությունների խմբի հերթական ժամանցային կենտրոնը կբացվի Մոսկվայում մեկ ամսից

«Տաշիր» ընկերությունների խմբի հերթական ժամանցային կենտրոնի բացումը հաջորդ ամսի վերջին տեղի կունենա ռուսական մայրաքաղաքում, հայտնեց «Տաշիր» ընկերությունների խմբի դուստր ձեռնարկություն «Դալմա ինվեստ» ընկերության տնօրեն Ալեքսանդր Հարությունյանը: 

«Այժմ՝ ճգնաժամի ժամանակաշրջանում, երբ շատերը նվազեցնում են իրենց գործի ծավալները, «Տաշիր» ընկերությունների խումբը շարունակում է ակտիվորեն ընդլայնել իր բիզնեսը»,- ասաց նա երկուշաբթի Երևանում «Դալմա Գարդեն Մոլ» խոշոր առևտրաժամացային կենտրոնի շնորհանդեսի ժամանակ, որի բացումը Երևանում ծրագրվում է 2010 թ.-ի հոկտեմբերին:    

Հարությունյանի խոսքերով՝ «Տաշիր» ընկերությունների խմբի հաշվին ավելի քան 10 առևտրաժամանցային կենտրոնների իրագործված նախագծեր են:  

«Եվս 9-ը գտնվում են շինարարության փուլում, իսկ 14-ը՝ նախագծման»,- պարզաբանեց նա: 

Tashir Group-ը 1999 թ.-ին գործարար Սամվել Կարապետյանի հիմնադրած ռուսական հոլդինգ է: Այսօրվա դրությամբ Tashir Group-ը միավորում է ավելի քան 200 ընկերություններ, որոնք աշխատում են տնտեսության տարբեր ոլորտներում, հոլդինգի աշխատակիցների ընդհանուր քանակը գերազանցում է 30 հազար մարդը:  

2009 թ.-ի թվականի տվյալներով՝ Tashir Group-ը կառուցել և ղեկավարում է ավելի քան 850 հազար քառակուսի մետր ընդհանուր մակերեսով կոմերցիոն անշարժ գույքի ավելի քան 60 օբյեկտներ: Ընդհանուր առմամբ բացված է 10 առևտրաժամանցային կենտրոն Մոսվայում, Յարոսլավլում, Կալուգայում, Կոլոմնայում, Տուլայում և Երևանում, ինչպես նաև 5 բիզնես կենտրոններ Մոսկվայում, Կալուգայում և Երևանում: -0-