Ֆուտբոլի Հայաստանի կանանց մինչև 17 տարեկանների հավաքականը 0:19 հաշվով զիջել է ռուսներին

ԵՐԵՎԱՆ, 26 հոկտեմբերի. /Նովոստի-Արմենիա/. Ֆուտբոլի Հայաստանի կանանց մինչև 17 տարեկանների հավաքականը Եվրոպայի առաջնության խմբային մրցաշարում ռուսների հետ հանդիպման ժամանակ պարտություն է կրել 0:19 հաշվով, հայտնում է Սպորտի և երիտասարդության հարցերի նախարարությունը:

Խմբի երկրորդ խաղը Սերբիայի և Իսպանիայի հավաքականների միջև ավարտվել է ոչ-ոքի՝ 2:2:

Հաջորդ խաղը հայ մարզուհիները կանցկացնեն երկուշաբթի Իսպանիայի հավաքականի հետ:

Ֆուտբոլի Հայաստանի կանանց մինչև 17 տարեկանների հավաքականի մասնակցությամբ հանդիպումներն անցկացվում են հոկտեմբերի 24-29-ը Սերբիայում: -0-