Երևան-Կիև Տրանզիտի առաջին համերգին մնացել է մեկ շաբաթ

ԵՐԵՎԱՆ, 26 հոկտեմբերի. /Նովոստի-Արմենիա/. «Երևան-Կիև Տրանզիտ» առաջին համերգին մնացել է մեկ շաբաթ: Այս համերգի շրջանակներում հայտնի ուկրաինացի երգիչները հայկական երգեր են կատարելու, հաղորդում է analitika.at.ua հրատարակությունը:

«Նախագծի կիևյան գրասենյակում ավարտում են առաջիկա համերգի վերջին աշխատանքները», - ասվում է տեղեկատվության մեջ:

Արդեն վերջնականապես հայտնի են Հայաստանի և Ուկրաինայի հայտնի երաժիշտների, դուետների կողմից կատարվող երգերը՝ «ՎԻԱ Գրա» խումբ և Արամե՝ «Ամպեց կորավ», «Դրուգա Ռիկա» խումբ և Ինգա ու Անուշ Արշակյաններ՝ «Իմ Երևան», «4 կորոլյա» խումբ և Աննա Խաչատրյան՝ «Արևիկ», «HOT CHOCOLATE» խումբ և Ռազմիկ Ամյան՝ «Դու կաս», Անյա Սեդոկովա և Ռիչարդ Մադլենյան՝ «Գալիս ես», Վիկտոր Պավլիկ և Էմմա Ասատրյան՝ «Դու իմ երգն ես (զուռնա)», Վիտալի Կոզլովսկի և Էմմի՝ «Բաժանված կամուրջներ», Վլադիմիր Գրիշկո և Տրիո Սոպրանո (Նունե Բադալյան, Մագդա Մկրտչյան, Մարինե Դեինյան)՝ «Տաղ հայտնության», Դմիտրի Կլիմաշենկո և Արաքսյա Մուշեղյան՝ «Խենթ աղջիկ», Նաստյա Կամենսկիխ, Պոտապ և Գարիկ Մարտիրոսյան՝ «Սիրելիս», Սվետլանա Լոբոդա և Թաթա՝ «Թող աշխարհը իմանա», Տինա Կորոլ և Արման Հովհաննիսյան՝ «Գարուն է բացվել»: 

Տեղեկատվության մեջ նշվում է, որ համերգը ոչ միայն բացառիկ է, այլև վերջին մի քանի տարվա ընթացքում հայ-ուկրաինական ամենախոշոր համատեղ նախագծերից մեկը:-0-