415.48
6.71
405.78
+26
Եղանակը Երևանում
Հայ

ՌԴ դեսպանատունը հայերին նվիրված միջոցառումների շարք է սկսել

10:55
26 Հոկտեմբերի 2009

Ուրբաթ երեկոյան Հայաստանում ՌԴ դեսպանատանը տեղի է ունեցել հայտնի կոմպոզիտոր Միքայել Թարիվերդիևի հիշատակին նվիրված երեկոն: Միջոցառման ընթացքում, որը կրում էր նույն անվանումը, ինչ Թարիվերդիևի գիրքը՝ «Ես պարզապես ապրում եմ», ներկայացվել են հատվածներ նրա գրքից, հայ ուսանողները կատարել են նրա գրած երգերը, ցուցադրվել են կադրեր ֆիլմերից, որտեղ հնչում են կոմպոզիտորի մեղեդիները:

Ինչպես «Նովոստի-Արմենիա» գործակալությանը տեղեկացրել է Հայաստանում ՌԴ արտակարգ և լիազոր դեսպան Վյաչեսլավ Կովալենկոն, ծրագրվում է նման երեկոները կանոնավոր դարձնել, և մոտ ժամանակներում ծրագրվում է անցկացնել ռեժիսոր Սերգեյ Փարաջանովին և կոմպոզիտոր Ալեքսեյ Հեքիմյանին նվիրված երեկոներ:

«Մենք դեռ այլ հռչակավոր անձանց նվիրված բազմաթիվ երեկոներ կկազմակերպենք, ովքեր իրենց ողջ կյանքի և գործունեության ընթացքում միմյանց են կապել ռուսական և հայկական մշակույթները, ռուս և հայ ժողովուրդներին», - ասել է նա:

Դեսպանն ընդգծել է, որ ռուսներն ու հայերը ընդհանուր շատ բան ունեն: «Այդ ժողովուրդները շատ դյուրազգաց են գեղեցիկի ընկալման հարցում», - նշել է նա:

Խոսելով Միքայել Թարիվերդիևի կյանքի և ստեղծագործության մասին՝ դեսպանը նշել է, որ նա դարաշրջանի մարդ է, և նրան շատ սիրում և գնահատում են Ռուսաստանում:

«Միքայել Թարիվերդիևը հռչակավոր կոմպոզիտոր է, մարդ, ով շատ սիրելի է Ռուսաստանում բոլոր այն մարդկանց կողմից, ովքեր ոչ միայն սիրում են երաժշտությունը, այլև՝ ռուսական մշակույթը», - ասել է Կովալենկոն:

«Այս մարդն ականավոր անձ է: Հեռանալով կյանքից՝ նա իր մասին հիշողություն է թողել, որը թույլ է տալիս մարդկանց ամեն անգամ նրա երաժշտությունը, ստեղծագործությունները լսելիս առնչվել գեղեցիկի հետ», - ավելացրել է ՌԴ դեսպանը:

Երեկոյի կազմակերպիչ, «Սլավյանսկի դոմ» հասարակական կազմակերպության նախագահ Նոնա Գուստովայի խոսքերով, միջոցառման նպատակը հայ ռուսանողներին Միքայել Թարիվերդիևի ստեղծագործության հետ ծանոթացնելն է:

«Բազմաթիվ անգամ եմ մտել ՌՀՀ-ի (Ռուս-հայկական համալսարան) լսարան և հարցրել, թե ո՞վ է Միքայել Թարիվերդիևը: Ի պատասխան՝ լռություն: Հայաստանում ապրող հայերը պետք է ճանաչեն իրենց հայրենակիցներին, ընդ որում՝ աշխարհահռչակ հայրենակիցներին, ովքեր ապրել և ապրում են հայրենիքի սահմաններից դուրս», - ընդգծել է նա:

Հայկական ծագումով ականավոր ռուս կոմպոզիտոր Միքայել Լևոնի Թարիվերդիևը ծնվել է 1931թ. օգոստոսի 15-ին՝ Թբիլիսիում։ 1957թ.-ին ավարտել է Գնեսինների անվան Պետական երաժշտական-մանկավարժական ինստիտուտի կոմպոզիցիայի բաժինը՝ Արամ Խաչատրյանի ղեկավարությամբ։

Կոմպոզիտոր Թարիվերդիևի դեբյուտը տեղի ունեցավ Մոսկվայի կոնսերվատորիայի Մեծ դահլիճում, որտեղ Զառա Դոլուխանովայի կատարմամբ հնչեցին նրա ռոմանսները։ Ընդհանուր առմամբ, Թարիվերդիևը գրել է շուրջ 100 ռոմանս։ Նրա «Ով ես դու» օպերան Բորիս Պոկրովսկու կամերային թատրոնի գեղագիտության հիմքը դրեց, իսկ հումորային «Գրաֆ Կալիոստրո» (1983) օպերան ավելի քան 20 տարի թատրոնի խաղացանկում ամենամեծ ժողովրդայնություն վայելողներից էր։

Բացի այդ, Թարիվերդիևը գրել է նաև այլ թատերական ներկայացումների երաժշտություններ։ Նա ստեղծել է «Սպասում» (1985) օպերան, «Աղջիկը և մահը» բալետը (բեմադրվել է 1987թ.-ին), «Չեռնոբիլ» սիմֆոնիան՝ երգեհոնի համար (1988)։
 
Միքայել Թարիվերդիևի հաջող համագործակցությունը կինեմատոգրաֆի հետ սկսվեց 1958թ.-ից, երբ էկրաններին հայտնվեց «Մեր հայրերի պատանեկությունը» ֆիլմը։ Ընդհանուր առմամբ, երգահանը գրել է շուրջ 130 ֆիլմերի, այդ թվում՝ «Գարնան 17 ակնթարթ», «Ճակատագրի հեգնանք կամ բաղնիքդ անուշ» (1976), «Իմ կրտսեր եղբայրը», «Մարդը գնում է արևի հետևից» (1961), «Ցտեսություն, տղաներ» (1964), «Սիրել» (1966), «Եղջերու-արքան» (1976), «Գործակալի սխալը»՝ Վ. Դորմանի ֆիլմաշարի, «Կորած արշավախումբ», «Ոսկե գետակ», «Էնհաուզի առեղծվածը» (1990), «Եվ վերադառնում է քամին» (1991), «Ռուսական ռեգթայմ» (1993), «Ամառային մարդիկ, ամառանոցներում հանգստացողները» (1995) ֆիլմերի երաժշտությունները։

Միքայել Թարիվերդիևը 1977թ.-ին «Ճակատագրի հեգնանք» ֆիլմի երաժշտության համար ստացել է ԽՍՀՄ Պետական մրցանակ, երեք անգամ եղել է «Նիկա» մրցանակի և  Լոս-Անջելեսի Երաժշտության միջազգային փառատոնի դափնեկիր։

Միքայել Թարիվերդիևը մահացել է 1996թ. հուլիսի 25-ին՝ Մոսկվայում։ 1997թ.-ին լույս է տեսել կոմպոզիտորի «Ես պարզապես ապրում եմ» գիրքը։--0—

Ծանոթացեք լուրերին առաջինն ու քննարկեք դրանք մեր Telegram-յան ալիքում

Partners News
ԱՌԿԱ գործակալություն
Բաժնի այլ նյութեր
23:11
09 Օգոստոսի 2022
Բաքվում հայտարարել են, որ Ադրբեջանի և Նախիջևանի միջև կապ կհաստատվի Իրանի տարածքով. ԶԼՄ
Բաքվում հայտարարել են, որ Ադրբեջանի և Նախիջևանի միջև կապ կհաստատվի Իրանի տարածքով. ԶԼՄ
11:25
09 Օգոստոսի 2022
Էրդողանը կառուցողական է համարել Փաշինյանի հետ հեռախոսազրույցն ու նշել է կայունության հասնելու պայմանները
Էրդողանը կառուցողական է համարել Փաշինյանի հետ հեռախոսազրույցն ու նշել է կայունության հասնելու պայմանները
20:09
05 Օգոստոսի 2022
ԱՄՆ պետքարտուղարը Փաշինյանի հետ զրույցում պատրաստակամություն է հայտնել աջակցելու Արցախում իրավիճակի կայունացմանը
ԱՄՆ պետքարտուղարը Փաշինյանի հետ զրույցում պատրաստակամություն է հայտնել աջակցելու Արցախում իրավիճակի կայունացմանը
14:14
05 Օգոստոսի 2022
«Իբր դա հպարտանալու բան է». ամերիկացի սենատորը վրդովված է, որ Ադրբեջանը «հպարտանում է» Արցախին հասցված ավիահարվածներով
«Իբր դա հպարտանալու բան է». ամերիկացի սենատորը վրդովված է, որ Ադրբեջանը «հպարտանում է» Արցախին հասցված ավիահարվածներով
12:35
04 Օգոստոսի 2022
«Պատրաստ ենք, թող գան, հատեն, գնան Նախիջևան». հենց այսօր Ադրբեջանը մի քանի կետերով կարող է հատել Հայաստանի սահմանը և երթևեկել դեպի Նախիջևան. Փաշինյան (ՎԻԴԵՈ)
Փաշինյան. այսօր պաշտոնապես ասում եմ. այսօր Ադրբեջանը մի քանի կետերով կարող է հատել Հայաստանի սահմանը և երթևեկությունն իրականացնել դեպի Նախիջևան. ՎԻԴԵՈ
23:43
03 Օգոստոսի 2022
Իրանն ուժեր է տեղափոխում Ադրբեջանի հետ սահման Արցախում իրավիճակի սրացման ֆոնին (ՎԻԴԵՈ)
Իրանն ուժեր է տեղափոխում Ադրբեջանի հետ սահման Արցախում իրավիճակի սրացման ֆոնին. ՎԻԴԵՈ
13:54
03 Օգոստոսի 2022
Արցախը Հայաստանի հետ կապող երթևեկությունը Լաչինի միջանցքի փոխարեն այլ երթուղով կազմակերպելու Ադրբեջանի պահանջը լեգիտիմ չէ. ԱԽ քարտուղար
ԱԽ քարտուղարը շեշտում է, որ Արցախը Հայաստանի հետ կապող երթևեկությունը Լաչինի միջանցքի փոխարեն այլ երթուղով կազմակերպելու Ադրբեջանի պահանջը լեգիտիմ չէ
15:58
02 Օգոստոսի 2022
Միրզոյանն ու Լավրովն այսօր հեռախոսազրույց են ունեցել
Միրզոյանն ու Լավրովն այսօր հեռախոսազրույց են ունեցել
15:33
02 Օգոստոսի 2022
Հայաստանը ՄԻԵԴ է ներկայացրել նոր միջպետական ամբողջական գանգատ ընդդեմ Ադրբեջանի
Հայաստանը Մարդու իրավունքների եվրոպական դատարան է ներկայացրել նոր միջպետական ամբողջական գանգատ ընդդեմ Ադրբեջանի
10:44
28 Հուլիսի 2022
Ռուսաստանի համար գլխավորը Հարավային Կովկասում «թաքուն խաղեր» թույլ չտալն է. ՌԴ ԱԳՆ փոխխոսնակ
ՌԴ ԱԳՆ–ից հայտնում են, որ Ռուսաստանի համար գլխավորը Հարավային Կովկասում «թաքուն խաղեր» թույլ չտալն է
13:15
26 Հուլիսի 2022
Բանակցություններ են ընթանում Փաշինյան-Ալիև հանդիպման անցկացման շուրջ․ Աղաջանյան
Վերջին շրջանում բավականին ակտիվ գործունեություն է իրականացվում դիվանագիտական հատվածում
10:15
22 Հուլիսի 2022
Թուրքիայի ԱԳ նախարար. Անկարան Երևանից հստակ քայլեր է ակնկալում երկկողմ հարաբերությունների կարգավորման հարցում
Չավուշօղլուն հայտարարել է, որ Թուրքիան Հայաստանի հետ երկկողմ ձևաչափով գործընթաց է սկսել, սակայն պետք չէ մոռանալ, որ այն իրականում եռակողմ է։ Իրենք ամեն մի քայլ Ադրբեջանի հետ են համապատասխանեցնում՝ կուզի Հայաստանը, թե ոչ, իրականությունը դա է