Հայաստանի քրեակատարողական հաստատություններում 10 օրվա ընթացքում առգրավվել է 147 կտրող-ծակող առարկա

Հայաստանի քրեակատարողական հաստատություններում իրականացված խուզարկությունների և այլ գործողությունների արդյունքում հայտնաբերվել և առգրավվել է 147 կտրող-ծակող առարկա՝ նախորդ տասնօրյակում առգրավված 119-ի դիմաց, ուրբաթ «Նովոստի-Արմենիա» գործակալությանը տեղեկացրեց ՀՀ արդարադատության նախարարության քրեակատարողական վարչության մամուլի քարտուղար Արսեն Բաբայանը:

Նրա խոսքերով՝ նույն ժամանակահատվածում քրեակատարողական հաստատություններում հայտնաբերվել և առգրավվել է 85 հատ բջջային հեռախոս՝ սեպտեմբերի 30-ից հոկտեմբերի 11-ն ընկած ժամանակահատվածում հայտնաբերված 93-ի դիմաց:

Իրականացված խուզարկությունների արդյունքում առգրավվել է նաև 26 լիտր ոգելից խմիչք, որից 21 լիտրն՝ ինքնաշեն:

Հայաստանի տարածքում գործում է 12 քրեակատարողական հաստատություն, ևս երկուսը կառուցվում է: ՀՀ արդարադատության նախարարության տվյալներով՝ գործող քրեակատարողական հաստատություններում պահվում է 3 հազար 532 մարդ:-0-