ՄԱԿ-ի հայաստանյան գրասենյակը Հայաստանի ազգային գրադարանին է նվիրել ավելի քան 3000 գիրք և ամսագիր

ԵՐԵՎԱՆ, 22 հոկտեմբերի. /Նովոստի-Արմենիա/. ՄԱԿ-ի հայաստանյան գրասենյակը հինգշաբթի ավելի քան 3000 մասնագիտացված գիրք և ամսագիր է փոխանցել Հայաստանի ազգային գրադարանին (ՀԱԳ)։ 

Ինչպես լրագրողներին հայտնեց ՄԱԿ-ի հայաստանյան գրասենյակի մշտական համակարգող Կոնսուելո Վիդալը, նման ակցիայի հիմնական նպատակը հայ հասարակությանը ՄԱԿ-ի, մասնավորապես, հայաստանյան գրասենյակի կոնկրետ ձեռքբերումների մասին տեղեկացնելն է։

Վիդալը նշեց, որ նման համագործակցությունը երկու կառույցների միջև շարունակական բնույթ է կրելու։

Հայաստանի ազգային գրադարանում ՄԱԿ-ի ավանդապահ գրադարանի հիմնական ֆոնդն ունի 10 հազար միավոր գիրք, հանդես, ամսագիր, պաատառ և ՄԱԿ-ին վերաբերող այլ նյութեր։ Ֆոնդը մշտապես լրացվում է նոր նյութերով։

Իր հերթին Հայաստանի ազգային գրադարանի տնօրեն Դավիթ Սարգսյանը բարձր գնահատեց համագործակցությունը ՀԱԳ-ի և ՄԱԿ-ի հայկական ֆոնդի միջև։

«Մեր համագործակցությունը ՄԱԿ-ի հայաստանյան գրասենյակի, հատկապես, հասարակայնության և տեղեկատվության վարչության հետ միշտ էլ արդյունավետ է եղել»,- ասաց Սարգսյանը։

Հայաստանի ազգային գրադարանի տնօրենը համոզմունք հայտնեց, որ տվյալ ակցիան լրացուցիչ խթան կհաղորդի ՄԱԿ-ի մասին հայ հասարակության իրազեկվածության մակարդակին։

Սարգսյանը բարձր գնահատեց այս նախաձեռնությունը՝ հույս հայտնելով, որ ՄԱԿ-ի հայաստանյան գրասենյակի հետ համագործակցությունը կշարունակվի։

Հայաստանի ազգային գրադարանում է գտնվում Հայաստանում ՄԱԿ-ի հայաստանյան գրասենյակի 19 գրադարաններից մեկը։ ՄԱԿ-ի հայաստանյան  գրասենյակի առաջին ավանդական գրադարանը հիմնվել է Երևանի պետական համալսարանում 1995 թվականին։ -0-