Հայաստանին առաջիկա տարիներին ֆիզիկայի բնագավառի մասնագետներ կպահանջվեն. վարչապետ
ԵՐԵՎԱՆ, 21 հոկտեմբերի. /Նովոստի-Արմենիա/. Հայաստանին առաջիկա հինգ տարիներին ֆիզիկայի բնագավառի մեծ թվով մասնագետներ կպահանջվեն, չորեքշաբթի հայտարարեց Հայաստանի վարչապետ Տիգրան Սարգսյանը։
«Մեզ համար այժմ խնդրահարույց է ֆիզիկան։ Մենք մեծ ներդրումներ ենք կատարում այս ոլորտում, նոր ատոմակայանի կառուցումը այս ոլորտի մասնագետների մեծ պահանջարկ է ենթադրում»,- ասաց վարչապետը Հայաստանի աշխատանքի և սոցիալական հարցերի նախարար Գևորգ Պետրոսյանի, Հայաստանի աշխատանքի և սոցիալական հարցերի նախարարության երիտասարդության մասնագիտական կողմնորոշման կենտրոնի տնօրեն Հայկուհի Գևորգյանի, ինչպես նաև աշխատանքի տեղավորման մասնավոր գործակալությունների ներկայացուցիչների հետ խորհրդակցության ընթացքում։
Կառավարության ղեկավարն ընդգծեց, որ ներկայումս Ֆիզիկայի ինստիտուտի մասնագետների միջին տարիքը կազմում է 60 տարեկանը։
Սարգսյանն ավելացրեց նաև, որ բացի նոր ԱԷԿ-ի կառուցումից, Բելգիայի կառավարությունից վարկային միջոցներ են ներգրավվում Ֆիզիկայի ինստիտուտում նոր արագացուցչի տեղադրման համար, իսկ հետագայում Ինստիտուտին առընթեր կստեղծվի բժշկական կենտրոն, որը կզբաղվի օնկոլոգիական հիվանդությունների բուժմամբ, ինչը կմեծացնի ֆիզիկայի բնագավառի մասնագետների պահանջարկը։ -0-
