Հայաստանում Orange-ն իր ծառայությունները կմեկնարկի այս տարվա նոյեմբերի 5-ին` առաջարկելով շարժական հեռախոսակապի և ինտերնետի ծառայություններ, «Նովոստի-Արմենիա» գործակալությանը հայտնեցին ընկերության մամուլի ծառայությունից։
Երրորդ բջջային օպերատորը՝ «Orange Armenia»-ն, որը France Telecom-ի 100 տոկոսանոց դուստրն է (ապրանքանիշը՝ Orange) վերջնական արտոնագիրը ստացել է 2008թ. նոյեմբերի 19-ին: Լիցենզիան տրամադրվել է 15 տարի ժամկետով՝ ևս 10 տարի երկարացման իրավունքով։
Համաձայն հաղորդագրության՝ արդեն այսօր Orange-ի ապագա բաժանորդները կարող են գրանցել 055 կոդով սկսվող նախընտրած հեռախոսահամարը www.orangearmenia.am ինտերնետային կայքում:
Նոյեմբերի 5-ից հետո 15 օրվա ընթացքում հնարավոր կլինի անվճար ձեռք բերել նախապես գրանցված հեռախոսահամարը և դառնալ Orange-ի բաճանորդ Orange-ի բոլոր վաճառակետերում:
Orange-ն իրավունք ունի հեռախոսահամարներ տրամադրել +374(0)55 и +374(0)95 կոդերով՝ համարների տեղաբաշխման 10 տարվա իրավունքով։
Ինչպես ավելի վաղ լրագրողներին հայտնել էր «Orange» ֆրանսիական ընկերության Եվրոպայի մասով փոխնախագահ Օլաֆ Սուանտին (Olaf Swantee), Orange-ը նախատեսում է Հայաստանում 150 միլիոն ներդնել 2009-2011 թվականների ընթացքում։ Ներդրումների հիմնական մասն ուղղվում է տեխնիկական և դիսթրիբյուտորական ցանցերի շինարարությանը, հատուկ ապրանքների և ծառայությունների մշակմանն ու ստեղծմանը։
Հայաստանում Orange-ի ներդրումները 2009 թվականի սեպտեմբերի տվյալներով արդեն կազմել են 2009 թվականի համար նախատեսված 80 միլիոն դալարի մոտ 60-70 տոկոսը։
Միաժամանակ ընկերությունը նախատեսում է զբաղեցնել հայկական շուկայում առաջին տեղը լայնաշերտ ինտերնետի տրամադրման ոլորտում և երկրորդ տեղը՝ Հայաստանի բջջային կապի շուկայում բաժանորդների թվով։
Միաժամանակ, ինչպես հավաստիացրեց Սուանտին, Orange-ը մտադիր չէ դեմպինգավորել Հայաստանի բջջային շուկայի ծառայությունների գները։
Հայկական շուկայում գործում է արդեն երկու ընկերություն՝ «ԱրմենՏելը», որը 100 տոկոսով պատկանում է ռուսաստանյան «Վիմպելկոմին», և VivaСell-MTS, որի բաժնետոմսերի վերահսկիչ փաթեթի սեփականատերը МТС ընկերությունն է։
2008թ. հոկտեմբերի 7-ին մրցութային հանձնաժողովը որոշում կայացրեց Հայաստանում շարժական կապի գլոբալ համակարգի ծառայությունների մատուցման երրորդ օպերատորին գործունեության լիցենզիա և ռադիոհաճախականությունների օգտագործման թույլտվություն տրամադրելու նպատակով հայտարարված մրցույթի հաղթող ճանաչել ֆրանսիական Orange ընկերությանը: Orange (France Telecom օպերատորի գլխավոր ապրանքանիշ) ընկերությունը GSM լիցենզիայի ստացման համար ամենախոշոր առաջարկն էր ներկայացրել՝ 51,5 մլն եվրոյի չափով։ --0--
