Կիրակի Հայաստանն անցնում է «ձմեռային» ժամանակի

Կիրակի՝ հոկտեմբերի  25-ին, Հայաստանը կանցնի «ձմեռային» ժամանակի: «Հայաստանի Հանրապետության տարածքում ժամանակի հաշվարկման կարգի մասին» ՀՀ օրենքի համաձայն՝ հոկտեմբերի վերջին կիրակի օրը, շաբաթ լույս կիրակի գիշերը՝ ժամը երեքին Հայաստանի Հանրապետության տարածքում ժամացույցի սլաքները պետք է մեկ ժամ հետ տանել։

Էներգետիկ ռեսուրսների տնտեսման նպատակով առաջին անգամ ժամացույցի սլաքները ամառը մեկ ժամ առաջ և ձմեռը մեկ ժամ հետ են տարվել Մեծ Բրիտանիայում 1908թ.-ին: Ժամացույցի սլաքների տեղափոխման միջոցով էներգետիկ ռեսուրսների տնտեսման գաղափարի հեղինակն է ամերիկացի պետական գործիչ Բենջամին Ֆրանկլինը՝ ԱՄՆ Անկախության հռչակագրի հեղինակներից մեկը: Միացյալ Նահանգներում «ամառային» և «ձմեռային» ժամանակի անցումը կատարվում է 1918թ.-ից:

Այժմ սլաքների սեզոնային տեղափոխումը կատարվում է աշխարհի 192 պետությունից 110-ում: Ժամացույցների սլաքների տեղափոխման ռեժիմը կիրառվում է Կանադայից մինչև Ավստրալիա ընկած բոլոր տարածքներում և Եվրոպայի բոլոր պետություններում:

«Ամառային» և «ձմեռային» ժամանակին անցնելու կողմնակիցները համոզված են, որ այն ունի տնտեսական հիմնավորում, նրանց հիմնական փաստարկը էլեկտրաէներգիայի և էլեկտրակիրների տնտեսումն է:

Ժամանակի տեղափոխման հակառակորդները կարծում են, որ գործող համակարգը «արթուն վիճակ-քնած վիճակ» կենսական կարևորություն ունեցող և գենետիկ ռիթմի խանգարման է հանգեցնում:-0-