Հայաստանում հավատարմագրված դիվանագետների կանայք և կին դիվանագետներն այցելել են Հայոց ցեղասպանության հուշահամալիր

ԵՐԵՎԱՆ, 16 հոկտեմբերի. /Նովոստի-Արմենիա/. Արտաքին գործերի նախարարի տիկնոջ` Նատալյա Նալբանդյանի նախագահությամբ գործող «Բարի գալուստ Հայաստան» ասոցիացիան ուրբաթ այցելեցություն կազմակերպեց Ծիծեռնակաբերդ՝ Հայոց ցեղասպանության զոհերի հիշատակի հուշահամալիր, հայտնում է ԱԳՆ մամուլի ծառայությունը: 

«Հայաստանում հավատարմագրված դիվանագետների կանայք և կին դիվանագետները հարգանքի տուրք մատուցեցին Հայոց ցեղասպանության անմեղ զոհերի հիշատակին և ծաղիկներ դրեցին Հայոց ցեղասպանության զոհերի հուշակոթողին: Այնուհետև ասոցիացիայի անդամները եղևնի տնկեցին Հիշողության պուրակում»,- ասվում է հաղորդագրության մեջ:

Դիվանագետների կանայք և կին դիվանագետները այցելեցին նաև Հայոց ցեղասպանության թանգարան, ավելի հանգամանալից ծանոթացան Ցեղասպանության պատմությանը, գրառումներ կատարեցին հուշամատյանում:-0-