ՀՀ վարչապետն ու Խարկովի նահանգապետը քննարկել են երկկողմ հարաբերությունների զարգացման հեռանկարները

Այսօր Հայաստանի Հանրապետության վարչապետ Տիգրան Սարգսյանն ընդունել է Ուկրաինայի Հանրապետության Խարկովի նահանգի նահանգապետ Արսեն  Ավակովին և նրա գլխավորած պատվիրակությանը, տեղեկացնում են ՀՀ կառավարության տեղեկատվության և հասարակայնության հետ կապերի վարչությունից:

Ողջունելով հյուրերին` ՀՀ  կառավարության  ղեկավարը համոզմունք է հայտնել, որ նահանգապետի այցը կնպաստի Հայաստանի Հանրապետության եւ Ուկրաինայի փոխշահավետ համագործակցության խորացմանը:

Նահանգապետ Արսեն  Ավակովը ՀՀ  վարչապետին տեղեկացրել է, որ Խարկովի նահանգի և ՀՀ Լոռու, Շիրակի, Տավուշի և Վայոց Ձորի մարզերի միջև համագործակցության լայն հնարավորություններ և զարգացման հեռանկարներ կան, մասնավորապես` գյուղատնտեսության, գինեգործության և  զբոսաշրջության ոլորտներում, ինչը կարող է նոր թափ հաղորդել երկու երկրների միջև ծավալված փոխգործակցությանը:

Զրուցակիցներն անդրադարձել են նաև Հայ-ուկրաինական առեւտրատնտեսական համագործակցության միջկառավարական հանձնաժողովի` հոկտեմբերի 16-ին կայանալիք չորրորդ նիստին, ինչպես նաեւ կրթության և գիտության, էներգետիկայի բնագավառներում հնարավոր  գործակցությանը:

Հանդիպման ավարտին ՀՀ վարչապետ Տիգրան Սարգսյանը հանձնարարականներ է տվել ձեռք բերված պայմանավորվածությունների ուղղությամբ:-0-