Հարավկովկասյան երկաթուղու ներդրումները Հայաստանում 2009թ.-ի 9 ամսում 443,8 մլն ռուբլի են կազմել

«Հարավկովկասյան երկաթուղի» ՓԲԸ-ի օպերատիվ տվյալների համաձայն, ընկերության ներդրումները Հայաստանում 2009թ.-ի 9 ամսում 443,8 մլն ռուբլի են կազմել:  

Ինչպես հինգշաբթի «Նովոստի-Արմենիա» գործակալությանը հայտնեցին ՀԿԵՈՒ մամուլի ծառայությունից, վերջին 9 ամսում Կոնցեսիոների ներդրումային ծրագրի փաստացի ֆինանսավորումը 443,8 մլն ռուբլի է կազմել, այդ թվում 371,3 մլն ռուբլի «ՌԵՈՒ» ԲԲԸ փոխառության հաշվին՝ տրված 2008թ.-ի պայմանագրի համաձայն, և 72,5 մլն ռուբլի՝ «ՀԿԵՈՒ» ՓԲԸ սեփական միջոցների հաշվին:    

Այսպիսով, ճանապարհի վերին շարվածքով ֆինանսավորվել է 193,0 մլն ռուբլի, որից 120,6 մլն ռուբլին ճանապարհի վերջին շարվածքի նյութերը ձեռք բերելու համար, 15,3 մլն ռուբլի ճանապարհային տեխնիկայի ձեռքբերման համար: Վարչական և արտադրական շենքերի մասնաշենքերի վերանորոգմանը հաշվետու ժամանակահատվածում ուղղվել է 13,7 մլն ռուբլի, սպառազինության նորոգմանը՝ 88,1 մլն ռուբլի:  

2009թ.-ի 9 ամսում ՀԿԵՈՒ ներդրումները շարժական գնացքների համար 99,2 մլն ռուբլի է կազմել, այդ թվում 80,4 մլն ռուբլի՝ 20 մարդատար վագոնների հիմնանորոգման համար:

Ընդ որում, ընկերության ընդհանուր ծախսերը 2009թ.-ի 9 ամսում 1083,7 մլն ռուբլի է կազմել, որից ենթակառուցվածքի վրա է ծախսվել 727,8 մլն ռուբլի, շարժական գնացքի վրա՝ 355,9 մլն ռուբլի:  

Նշված ժամանակահատվածում հիմնական ֆոնդերի շահագործումը 1236,8 մլն ռուբլի է կազմել, որից սպառազինման համար՝ 441,7 մլն ռուբլի, ճանապարհային մեքենաների և սարքավորումների համար՝ 28,6 մլն ռուբլի, անլար կապի սարքավորման անցկացման համար՝ 5,9 մլն ռուբլի, հատուկ փոխադրամիջոցների համար՝ 170,3 մլն ռուբլի, լոկոմոտիվների և բեռնատար վագոնների համար՝ 574,1 մլն ռուբլի, հաշվողական տեխնիկայի և հիմնական միջոցների համար՝ 16,2 մլն ռուբլի:  

Անավարտ կապիտալ ներդրումները հաշվետու ժամանակահատվածի վերջում կազմել են 178,1 մլն ռուբլի, որոնք իրենց մեջ ներառում են անավարտ ակտիվներ և ապրանքային նյութական արժեքներ պահեստներում:  

«Հարավկովկասյան երկաթուղիներ» ՓԲԸ-ն «Ռուսական երկաթուղիներ» ԲԲԸ-ի հարյուր տոկոսանոց դուստր ընկերությունն է, որը հուլիսի 1-ից իրականացնում է Հայկական երկաթուղիների կոնցեսիոն կառավարումը։-0-