Հայաստանն ու Թուրքիան պետք է սովորեն շփվել միմյանց հետ. կարծիք

ԵՐԵՎԱՆ, 15 հոկտեմբերի. /Նովոստի-Արմենիա/. Հայաստանն ու Թուրքիան պետք է սովորեն շփվել միմյանց հետ ինքնուրույն և երես առ երես, թուրքական Բուրսա քաղաքում լրագրողներին ասաց ՍԾՀԿ-ի բիզնես-կոմիտեում Հայաստանի ներկայացուցիչ Սամսոն Օզարարտը:

Նրա խոսքով, հայ-թուրքական արձանագրությունների ստորագրումը երկար ու ոլոր-մոլոր ճանապարհի սկիզբ է, սակայն ամենակարևորն այն է, որ երկու երկրներն էլ իրենց խնդիրները պետք է սկսեն լուծել երկխոսության միջոցով:

«Բարդ շրջան է սպասվում, դժվար կլինի, սակայն կարևոր է, որ երկու երկրի միջև առկա խնդիրները լուծվեն բանակցությունների սեղանի շուրջ»,- ընդգծեց նա:

Հայաստանի ու Թուրքիայի արտգործնախարարները հոկտեմբերի 10-ին Ցյուրիխի համալսարանում ստորագրեցին «Դիվանագիտական հարաբերությունների հաստատման մասին արձանագրությունը» և «Երկկողմ հարաբերությունների զարգացման մասին արձանագրությունը»:

Օզարարատը կարևրել է երկու երկրի խորհրդարանների կողմից արձանագրությունների վավեացումը, ինչպես նար ընդգծել, որ «թուրքկան խորհրդրանում այն դժվարությունների հետ կապված կլինի»:

Հայ-թուրքական սահմանը փակ է 1993 թ.-ից՝ պաշտոնական Անկարայի նախաձեռնությամբ: Երկու երկրների միջև բարդ հարաբերությունները պայմանավորված են մի շարք հանգամանքներով, որոնք կապված են, մասնավորապես, Անկարայի՝ ադրբեջանական դիրքորոշման պաշտպանությամբ ղարաբաղյան հարցում, ինչպես նաև Թուրքիայի սուր արձագանքի հետ 1915 թվականին Օսմանյան կայսրությունում Հայոց ցեղասպանության միջազգային ճանաչման հետ կապված։ -0-