Թուրքական իշխանությունները անվտանգության ուժեղացված միջոցներ են կիրառում երկրի հյուսիս-արևմուտքում գտնվող Բուրսա քաղաքում, որտեղ հոկտեմբերի 14-ին, 2010թ. աշխարհի առաջնության նախընտրական շրջանակներում կանցկացվի Հայաստան-Թուրքիա ֆուտբոլային հանդիպումը: Ֆուտբոլային մենամարտը դիտելու նպատակով Թուրքիա կժամանի ՀՀ նախագահ Սերժ Սարգսյանը, ինչը տեղական ԶԼՄ-ները «Ֆուտբոլային դիվանագիտություն» են անվանում:
Թուրքիա այցելելու մտադրության մասին Սարգսյանը հայտարարել էր երկուշաբթի՝ Հայաստանի և Թուրքիայի արտգործնախարաների՝ Շվեյցարիայում ստորագրած արձանագրություններից հետո:
Անվտանգության միջոցների շրջանակում արգելվում են թուրք-հայկական հարաբերությունների կարգավորմանը դեմ ուղղված կամ որպես սադրանք մեկնաբանված պաստառներն ու կարգախոսները մարզադաշտում և դրա շուրջ, լրագրողներին են հայտնել տեղի անվտանգության վարչությունից: Տրիբունաներում կարգելվի նաև հովանոցներով մարդկանց մուտքը անգամ եթե անձրևի, ՌԻԱ Նովոստիին են հայտնել թուրքական ոստիկանության ներկայացուցիչները:
Միաժամանակ տրիբունաներում կթույլատրվի նաև Թուրքիայի և Հայաստանի ազգային դրոշները, սակայն կարգելվի Ադրբեջանինը, որի հետ Թուրքիան պահպանում է ավանդական հարաբերություններ և որին վստահեցնում, որ Հայաստանի սահմանը չի բացի մինչև ղարաբաղյան հակամարտության լուծումը:
Հայաստանի և Թուրքիայի միջև չկան դիվանագիտական հարաբերություններ, իսկ 1993-ից, պաշտոնական Անկարայի նախաձեռնությամբ, փակ է հայ-թուրքական սահմանը։
Երկու երկրների միջև բարդ հարաբերությունները պայմանավորված են մի շարք հանգամանքներով, որոնք կապված են, մասնավորապես, Անկարայի՝ ադրբեջանական դիրքորոշման պաշտպանությամբ ղարաբաղյան հարցում, ինչպես նաև Թուրքիայի սուր արձագանքի հետ 1915 թվականին Օսմանյան կայսրությունում Հայոց ցեղասպանության միջազգային ճանաչման հետ կապված։
Հարաբերություններում առաջին տեղաշարժերը նկատվեցին 2008թ.-ի սեպտեմբերի 6-ին, երբ Թուրքիայի նախագահ Աբդուլա Գյուլը ՀՀ նախագահ Սերժ Սարգսյանի հրավերով առաջին անգամ այցելեց Երևան՝ 2010թ.-ի աշխարհի առաջնության ընտրական փուլի շրջանակներում Հայաստանի և Թուրքիայի հավաքականների միջև ֆուտբոլային հանդիպումը դիտելու նպատակով։ Հանդիպման ավարտից հետո Թուրքիայի նախագահը հրավիրել է իր հայ գործընկերոջ Թուրքիա ներկա գտնվելու 2009 թ.- հոկտեմբերի 14-ին կայանալիք երկու երկրների ֆուտբոլի հավաքականների պատասխան խաղին:-0-
