Հայաստանի ազգային ավիափոխադրողը հոկտեմբերի 26-ից չվերթեր կիրականացնի դեպի Բահրեյն

ԵՐԵՎԱՆ, 12 հոկտեմբերի. /Նովոստի-Արմենիա/. Հայաստանի ազգային ավիափոխադրող «Արմավիա» ընկերությունը հոկտեմբերի 26-ից կսկսի դեպի Բահրեյն չվերթեր իրականացնել, երկուշաբթի հայտնում է «Արմավիայի» մամուլի ծառայությունը: 

««Արմավիա» ավիաընկերությունը շուտով նոր դարպասներ կբացի դեպի Մերձավոր Արևելք: Այժմ Դուբայի, Հալեպի և Բեյրութի կողքին, ուղևորները հնարավորություն կունենան այցելել Բահրեյն՝ «Արմավիա» ավիաընկերության չորրորդ կետը Մերձավոր Արևելքում»,- ասվում է հաղորդագրության մեջ:  

«Արմավիան» Օդային տրանսպորտի միջազգային ասոցիացիայի (IATA) անդամ է: Ավիաընկերությունն իր հաճախորդներին առաջարկում է Հայաստանում խոշորագույն չվերթերի ցանց դեպի Ռուսաստանի և ԱՊՀ երկրների քաղաքներ, ինչպես նաև Մերձավոր Արևելքի և Եվրոպայի քաղաքներ։ «Արմավիան» իրականացնում է շաբաթական ավելի քան 170 կանոնավոր չվերթ՝ 30 ուղղություններով։ 2008 թ.-ին ավիաընկերությունը տեղափոխել է ավելի քան 647 000 ուղևոր: Ավիաընկերության օդանավերի պարկը բաղկացած է А320 (2), А319 (3), Իլ-86, Տու-134. օդանավերից: «Արմավիան» կդառնա առաջին ընկերությունը, որը ձեռք կբերի նոր Սուխոյ  Superjet S-100 ինքնաթիռ, որը ավիապարկը կհամալրի մինչև տարեվերջ:

Ավիացիոն ռիսկերը ապահովագրված են ISG ընկերության կողմից, որը «Արմավիայի» միակ գործընկերն է։-0-