Երկու պատանու ձերբակալել են խոճկորներ գողանալու կասկածանքով

Երկու պատանու ձերբակալել են խոճկորներ գողանալու կասկածանքով, երկուշաբթի տեղեկանում ենք Հայաստանի ոստիկանության ամփոփագրից։

«Հոկտեմբերի 9-ին, ժամը 15.30-ին, ոստիկանության Թումանյանի բաժնի աշխատակիցները օպերատիվ տվյալներն իրացնելիս, գողություն կատարելու կասկածանքով, բերման են ենթարկել 21-ամյա Գարիկ Ս.-ին և 18-ամյա Գագիկ Ս.-ին, որտեղ պարզվել է, որ ավելի վաղ 30-ամյա Արծրուն Պ.-ին պատկանող անասնագոմի դռան փականը կոտրելու միջոցով, գողացել են 2 խոճկոր, պատճառելով մոտ 70.000 դրամի (մոտ 181 ԱՄՆ դոլար) նյութական վնաս»,- ասվում է հաղորդագրությունում։

Գարիկ Ս.-ն ձերբակալված է, իսկ Գագիկ Ս.-ն ստորագրությամբ բաց է թողնվել:

Քննությունը վարում է Լոռու մարզի քննչական բաժինը: -0-