Հայաստանը պետք է դասեր քաղի աֆղանական պատերազմից. ՀՀ պաշտպանության նախարար

Հայաստանն աֆղանական պատերազմից պետք է ինչպես քաղաքական, այնպես էլ ռազմական դասեր քաղի, չորեքշաբթի ասաց ՀՀ պաշտպանության նախարար Սեյրան Օհանյանը:

ՀՀ պաշտպանության նախարար Սեյրան Օհանյանը, ՀՀ ԶՈՒ Գլխավոր շտաբի պետ, գեներալ-գնդապետ Յուրի Խաչատուրովը, ԱՊՀ կառավարությունների ղեկավարների խորհրդին առընթեր արտազգային մարտիկների հարցերի կոմիտեի նախագահը, ինչպես նաև ԱՊՀ աֆղանական պատերազմի վետերանների համակարգող խորհրդի անդամները չորեքշաբթի ծաղկեպսակներ են դրել զոհված աֆղան մարտիկների հուշահամալիրին, ինչպես նաև Երևանի Հաղթանակի Այգու Անմար կրակին և Անհայտ զինվորի հուշահամալիրին:

«Նման միջոցառումները ոգեշնչում են և մերձեցնում են աֆղանական պատերազմի վետերաններին», - ասաց Օհանյանը:

ՀՀ պաշտպանության նախարարը նաև նշեց հայկական անկախ պետականության կայացման գործում և Արցախի ազատագրական պատերազմում աֆղանահայ մարտիկների կարևոր դերը:

Միջոցառումը տեղի է ունեցել ԱՊՀ երկրների աֆղանական պատերազմի վետերանների համակարգող խորհրդի նիստի շրջանակներում, որն անցկացվում է Երևանում: Նիստը նվիրված է Աֆղանստանից խորհրդային զորքերի դուրսբերման 20-ամյակին:

Նիստին մասնակցում են նախկին ԽԱՀՄ հանրապետությունների պատվիրակությունները, բացի Ադրբեջանից և Թուրքմենստանից, որը տեխնիկական պատճառներով չի կարողացել մասնակցել:-0-