Շիրակի մարզում մեկ մարդ է զոհվել գազատարի հետ մեքենայի բախման հետևանքով

ԵՐԵՎԱՆ, 5 հոկտեմբերի. /Նովոստի-Արմենիա/. Մեկ մարդ է զոհվել Շիրակի մարզում գազատարի հետ մեքենայի բախման հետևանքով, «Նովոստի-Արմենիա» գործակալությանը հայտնեցին հանրապետության փրկարար ծառայությունից։ 

Գրիգոր Զոհրապի թիվ 59 տան դիմաց տեղի ունեցած վթարի մասին տեղեկությունը ստացվել է հոկտեմբերի 2-ին՝ ժամը 22։15 տեղական ժամանակով։

Դեռևս չպարզված հանգամանքներում Գ.Ավետիսյանին պատկանող «BMW» մակնիշի ավտոմեքենան բախվել է բարձր ճնշման գազատար խողովակին, վնասել գազատարը և դուրս եկել ճանապարհի երթևեկելի հատվածից։

Մեքենայի վարորդը՝ 45-ամյա Կամսար Ղազարյանը տեղափոխվել է Արթիկի հիվանդանոց, որտեղ մահացել է ստացված վնասվածքներից։

Գազատարի վրա կատարվում են վթարավերականգնողական աշխատանքներ։ -0-