Deep Purplе խմբի ղեկավարը պատրաստ է հանդես գալ Երևանում հայկական երաժիշտների հետ

Deep Purplе խմբի ղեկավար Յեն Գիլանը Երևանում ունեցած մամուլի ասուլիսում հայտարարեց հայկական խմբերից մեկի հետ ելույթ ունենալու պատրաստակամության մասին հաջորդ տարվա մարտին։

«Առայժմ այս նախաձեռնության մանրամասները չկան, բայց հուսով եմ ելույթ ունենալ այստեղ հայկական նվագախմբրից մեկի հետ և ջեմսեյշն անցկացնել որոշ հայ ռոք-երաժիշտների հետ»,- ասաց Գիլանը։

Համաշխարհային ռոք-աստղեր Յեն Գիլանը, Թոնի Այոմին, Ջեֆ Դաունսը հայտնի թենիսիստ Պետ Քեշի և «Ռոքն օգնում է Հայաստանին» նախագծի նախաձեռնող, ավստրալական բարեգործական «Do something» կազմակերպության տնօրեն Ջոն Դիի հետ երկօրյա այցով Հայաստան են ժամանել հոկտեմբերի 1-ին։ Այցը հնարավոր դարձավ Հայաստանի նախագահի աշխատակազմի, «ՀայՌուսգազարդ» ընկերության և BMI ավիաընկերության աջակցությամբ։

«Ռոքն օգնում է Հայաստանին» նախագիծը հիմնադրել է 24-ամյա Դին 1989 թ.-ին: Նախագծի շրջանակներում Queen, Pink Fioyd, The Who, Deep Purplе, Black Sabbath, Iron Maiden խմբերի երաժիշտները համատեղ ձայնագրեցին Deep Purplе խմբի Smoke on the Water երգը, որից ստացված հասույթը փոխանցվեց Հայաստանին: Բացի այդ խմբերից յուրաքանչյուրը Հայաստանին նվիրեց մեկ երգ, իսկ 1990 թ.-ին ձայնագրվեց ալբոմ, որի վաճառքից ստացված հասույթը ևս փոխանցվեց Հայաստանին:-0-