Նոր հայկական ֆիլմերի ցուցադրության եռամսյա ակցիա է մեկնարկում Երևանում հոկտեմբերի 1-ից
Նոր հայկական ֆիլմերի ցուցադրության եռամսյա ակցիա է մեկնարկում Երևանում հոկտեմբերի 1-ից Հայաստանի Ազգային կինոկենտրոնի, «Մոսկվա» կինոթատրոնի և Հայաստանի հանրային հեռուստաընկերության նախաձեռնությամբ։
Ինչպես հայտնեց Հայաստանի ազգային կինոկենտրոնի ղեկավար Գևորգ Գևորգյանը, յուրաքանչյուր շաբաթ հանգստյան օրերին Հայաստանի հանրային հեռուստաընկերությամբ ֆիլմի պրեմիերա կլինի։
Բացի այդ, ըստ նրա, հայկական կինոյի սիրահարները հնարավորություն կունենան երեք ամիսների ընթացքում դիտել վերջին ժամանակներում նկարահանված ֆիլմերը Երևանի «Մոսկվա» կինոթատրոնում, որտեղ յուրաքանչյուր շաբաթ նոր ֆիլմ կցուցադրվի։
Այնուհետև դրանց ցուցադրումը տեղի կունենա նաև երկրի մյուս կինոթատրոններում։
Ցուցադրմանը ներկայացված ֆիլմերի թվում են ռեժիսորներ Սուրեն Բաբայանի «Մի նայիր հայելու մեջ», «Լույս Նարեկացու», Հովհաննես Գալստյանի «Խճճված զուգահեռներ», Վաչե Խաչատրյանի «Երջանիկ ուղի », Ռուբեն Քոչարի «Մետամորֆոզ», Ալբերտ Մկրտչյանի «Տխուր փողոցի արևելքը» ֆիլմերը, ինչպես նաև «Գժուկ» մանկական կինոհանդեսի (ռուսական «Երալաշի» նմանօրինակը) շարքը։
Հայաստանի ազգային կինոկենտրոնի նախաձեռնությամբ անցկացվող այս ակցիան հանրապետությունում իրականացվում է երկրորդ անգամ։ Առաջին ակցիան անցկացվել է 2006 թվականին։
Նոր հայկական ֆիլմերը կցուցադրվեն ինչպես Երևանում, այնպես էլ Հայաստանի բոլոր մարզերում և Լեռնային Ղարաբաղում։ -0-
