ՀՀ արտգործնախարարը դասախոսություն կարդաց Կոլումբիայի համալսարանում

ԵՐԵՎԱՆ, 30 սեպտեմբերի. /Նովոստի-Արմենիա/. Էդվարդ Նալբանդյանի նյույորքյան այցելության օրակարգի վերջին կետը Կոլումբիայի համալսարանի Միջազգային եւ հանրային հարաբերությունների դպրոցում «Անվտանգությունը և համագործակցությունը Հարավային Կովկասում» խորագրով դասախոսությունն էր, տեղեկացնում է ՀՀ ԱԳՆ մամուլի ծառայությունը:

Իր ելույթում նախարար Նալբանդյանը մանրամասն ներկայացրեց Կովկասում անվտանգության և կայունության ապահովմանն ուղղված Հայաստանի կողմից ձեռնարկվող քայլերը:

Հայաստանի արտգործնախարարը ներկայացրեց արցախյան հիմնախնդրի հանգուցալուծմանն ուղղված ջանքերը, Հայաստանի և Թուրքիայի միջեւ հարաբերությունների կարգավորման գործընթացը: Նախարար Նալբանդյանը անդրադարձ կատարեց նաև հայ-ամերիկյան հարաբերությունների զարգացմանը:

Նախարարը պատասխանեց ներկաների բազմաթիվ հարցերին:

Նույն օրն ավարտելով այցելությունը` Հայաստանի արտաքին գործերի նախարարը ուղևորվեց Երեւան:-0-