Հայաստանը նպատակ ունի էլ ավելի առաջ մղել մարդու իրավունքների պաշտպանությունը. ՀՀ արտգործնախարար

Հայաստանը նպատակ ունի էլ ավելի առաջ մղել մարդու իրավունքների պաշտպանությունը, հայտարարել է Նալբանդյանը՝ ելույթ ունենալով ՄԱԿ-ի Գլխավոր ասամբլեայի 64-րդ նստաշրջանի ժամանակ:

«Մենք կարծում ենք, որ Մարդու իրավունքների խորհրդի շրջանակներում անկեղծ քննարկումներն առկա խնդիրների շուրջ և փորձի փոխանակումը դրանց հաղթահարման ուղղությամբ` արդարև հաջողության հասնելու ուղին է»,- ասաց Նալբանդյանը:

Նալբանդյանը նշեց նաև, որ Հայաստանը ՄԱԿ-ի բարեփոխումների գործընթացը մեկնարկեց ներկայիս աշխարհն արտացոլող կառույց ունենալու և ժամանակակից մարտահրավերներին դիմակայելու` վերջինիս կարողություններն ու արդյունավետությունը բարձրացնելու նպատակով:

«Հայաստանը հանձնառու է Միավորված ազգերի կազմակերպության կառուցակարգային կարողություններն ամրապնդելու գործին, օժանդակում է ՄԱԿ-ի բարեփոխումների գործընթացին և պատրաստ է իր ներդրումը բերել այդ հարցում»,- նշեց ԱԳՆ ղեկավարը: -0