Հայաստանը մտադիր է համագործակցության համաձայնագրեր ստորագրել ՏՏ առաջատար գիտական կենտրոնների հետ

Ըստ նրա՝ հիմնական համաձայնագիրը կստորագրվի Հայաստանի վարչապետ Տիգրան Սարգսյանի կողմից Սիլիկոնային հովտում (Սան-Խոսե, Կալիֆոռնիա, ԱՄՆ) համահայկական գլոբալ ArmTech կոնգրեսի ընթացքում։

«Մասնավորապես, համաձայնագրի ստորագրում է նախատեսվում Առևտրային գլոբալ միության հետ, ինչը հնարավորություն կտա Հայաստանին հասանելիություն ապահովել շուկայի ողջ տեղեկատվության նկատմամբ և ամրապնդել կապերը բիզնեսի ոլորտում»,- ասաց Երիցյանը։

Ինչպես նշեց նախարարը, դա հնարավորություն կընձեռի Հայաստանին ակտիվ աշխատանք սկսել Սիլիկոնային հովտում, որտեղ ծնվում է ՏՏ-լուծումների հիմնական մասը, հատկապես ծրագրավորման ոլորտում։

Նա նշեց, որ Հայաստանում այսօր գործում են զգալի թվով ընկերություններ, որոնք  փորձում են ապահովել իրենց ներկայությունը Սիլիկոնային հովտում, միաժամանակ սփյուռքահայությունն, ինչպես նաև կապը Հայաստանում ներկայացված գլոբալ կորպորացիաների, մասնավորապես, Synopsys, Microsoft, Orange  և մյուսների միջոցով, կարող են աջակցել Հայաստանի ներկայացվածությանն այդ շուկայում։

«Դա մեծ հնարավորություններ է տալիս առաջին քայլը կատարելու, որոշակի ֆինանսավորում ապահովելու համար, ինչից հետո մենք կկարողանանք ստեղծել այնտեղ որոշակի ռեսուրս, որը պատվերներ կբերի ամերիկյան շուկայի տեղի հայկական ընկերություններին, ինչպես նաև ճանապարհ կհարթի դեպի Հայաստան նոր խոշոր կորպորացիաների մուտք գործելու համար»,- ասաց Երիցյանը։

Հայաստանի բարձր տեխնոլոգիաների ոլորտի երրորդ գլոբալ միջազգային armtech (armenian technology congress) համաժողովը տեղի կունենա 2009թ. նոյեմբերի 5-8-ը ամն կալիֆոռնիա նահանգի Սան Խոսե քաղաքում:  Համաժողովի հիմնական նպատակը Հայաստանի և Սփյուռքի բարձր տեխնոլոգիաների համայնքների միջև գործարար կապերի ստեղծումը, համատեղ ծրագրերի իրականացումը, ինչպես նաև հայաստանյան տեղեկատվական և բարձր տեխնոլոգիաների ոլորտում օտարերկրյա ներդրումների ներգրավումն է:

Պայմանավորվածության համաձայն՝ ArmTech-ն անցկացվում է  հերթափոխով՝ Կալիֆոռնիայի Սիլիկոնային հովտում և Հայաստանում:

ArmTech առաջին կոնգրեսն անցկացվել է 2007 թ.-ի հուլիսի 4-7-ը Սան Ֆրանցիսկոյում։ Կոնգրեսին մասնակցել է աշխարհի շատ երկրների ավելի քան 350 ներկայացուցիչ։ Հայաստանը ներկայացրել են 60 գործարարներ և 11 գործարար ու կրթական կազմակերպություններ։

«ArmTech Congress-08» բարձր տեխնոլոգիաների երկրորդ կոնգրեսն անցկացվեց Երևանում 2008թ. հոկտեմբերի 4-5-ին: Կոնգրեսին մասնակցել է ԱՄՆ-ի, Ռուսաստանի, Ֆրանսիայի, եվրոպական այլ երկրների բազմաթիվ ընկերությունների 250 ներկայացուցիչ։-0-