ՀՖՖ-ն կոպիտ խաղի համար մեկ տարով որակազրկել է Հայաստանի հավաքականի և «Միկա» ՖԱ-ի ֆուտբոլիստին

ԵՐԵՎԱՆ, 25 սեպտեմբերի. /Նովոստի-Արմենիա/. Հայաստանի ֆուտբոլի ֆեդերացիան ՀՖՖ-ի կարգապահական կանոնակարգի 16-րդ հոդվածի 12-րդ կետի համաձայն`կոպիտ խաղի համար Հայաստանի հավաքականի և «Միկա» ֆուտբոլային ակումբի ֆուտբոլիստ Աղվան Մկրտչյանին որակազրկել է մինչև 2010թ. սեպտեմբերի 24-ը, իսկ «Միկա» ակումբին տուգանել 250 000 դրամով: 

Ինչպես «Նովոստի-Արմենիա» գործակալությանը տեղեկացրեցին ՀՖՖ-ի մամուլի ծառայությունից, նման որոշում է ընդունվել ՀՖՖ-ի կարգապահական կոմիտեի հերթական նիստի ընթացքում, որը տեղի է ունեցել սեպտեմբերի 24-ին՝ ՀՖՖ Կարգապահական կոմիտեի նախագահ Ռուբեն Սինոյանի նախագահությամբ:

Մկրտչյանը որակազրկվել է «Միկա»-«Փյունիկ» խաղի ժամանակ մրցակցին ոտքով դիտավորյալ հարվածելու համար:-0-