ՀԿԵՈՒ-ն Վրացական երկաթուղու ներկայացուցիչների հետ համատեղ խորհրդակցություն կանցկացնի

«Հարավկովկասյան երկաթուղի” ՓԲԸ ներկայացուցիչները Վրացական երկաթուղու հետ համատեղ հոկտեմբերի 1-ին Երևանում համատեղ խորհրդակցություն կանցկացնեն, ուրբաթ «Նովոստի» մամուլի կենտրոնում տեղի ունեցած ասուլիսի ժամանակ ասաց «ՀԿԵՈՒ» ՓԲԸ գլխավոր տնօրենի առաջին տեղակալ Մարատ Խակովը:

«Հանդիպման հիմնական նպատակը ՀԿԵՈՒ-ի և Վրացական երկաթուղիների միջև լիարժեք համագործակցության հաստատումն է»,- ասաց Խակովը:

Նրա խոսքերով, նման մտադրություն կողմերից երկուսն էլ ունեն, մնում է միայն քննարկել ու համաձայնեցնել բոլոր հնարավորությունները:

«Հայկական երկաթուղիների» կոնցեսիոն կառավարումն իրականացնում է «ՀԿԵՈՒ» ՓԲԸ-ն՝ «Ռուսական երկաթուղիներ» ԲԲԸ հարյուրտոկոսանոց դուստրը: ՀԿԵՈՒ-ն իր բալանսում ընդունել ՀԵՈՒ շարժակակազմը 2008թ. հունիսի մեկից՝  «Հայկական երկաթուղիներ» պետական ՓԲԸ-ն 30 տարի ժամկետով փոխանցման, կողմերի փոխադարձ համաձայնությամբ ևս 10 տարի երկարացման իրավունքով 2008թ. փետրվարի 13-ի կոնցեսիոն պայմանագրին համապատասխան։--0--