Հայ ըմբիշներին չի հաջողվել մեդալ նվաճել ազատ ոճի ըմբշամարտի աշխարհի առաջնության ժամանակ

Հայ ըմբիշներին չի հաջողվել մեդալ նվաճել ազատ ոճի ըմբշամարտի աշխարհի առաջնության ժամանակ, որն անցկացվում է Դանիայի Խերնինգ քաղաքում։

Ինչպես տեղեկացնում է առաջնության պաշտոնական կայքը, մրցումների երկրորդ օրը մինչև 84 կգ քաշային կարգում հանդես եկող Հարություն Ենոքյանը 1/8 եզրափակչում պարտվել է հունգարացի ըմբիշ Իշտվան Վերեբին, Սուրեն Մարկոսյանը (74 կգ) 1/8 եզրափակչում զիջել բուլղարացի Կիրիլ Թերզիևին, Արթուր Առաքելյանը (60 կգ) ¼ եզրափակչում պարտվել ադրբեջանցի Զալիմխան Հուսեյնին, իսկ Հայաստանի դրոշի տակ հանդես եկող Ռուսլան Բասիևն առաջին իսկ փուլում(120 կգ) զիջել է կանադացի Արջան Բխուլարին։ Վաղը աշխարհի առաջնության մեդալների համար կպայքարեն հունահռոմեական ոճի ըմբիշները։--0--