Հայաստանի տնտեսական անկումը ութ ամսվա ընթացքում կազմել է 18,4 տոկոս

Հայաստանի ՀՆԱ ծավալն, ըստ օպերատիվ վիճակագրական տվյալների, 2009 հունվար-օգոստոսին կրճատվել է 18,4 տոկոսով։

Ինչպես «Նովոստի-Արմենիա» գործակալությանը տեղեկացրեցին հանրապետության Ազգային վիճակագրական ծառայությունից, ՀՆԱ-ի ծավալը կազմել է 1761,9 մլրդ. դրամ (4987,1 մլն. ԱՄՆ դոլար)։

Վիճակագրական տվյալների համաձայն՝ 2009թ. հունվար-օգոստոս ամիսներին, նախորդ տարվա նույն ժամանակահատվածի համեմատ, գրանցվել է սպառողական գների աճ 2,8%-ով։ Միաժամանակ օգոստոսին, 2008թ. դեկտեմբերի համեմատ, գրանցվել է նշված ցուցանիշի աճ 2%-ով:

Հայաստանի արտադրողների արդյունաբերական ապրանքների գները հաշվետու շրջանում նվազել են 0,5%-ով՝ նախորդ տարվա նույն ժամանակահատվածի համեմատ։

Հաշվետու ժամանակաշրջանում արտադրվել է 393,8 մլրդ դրամի արդյունաբերական արտադրանք (1114,7 մլն դոլար), ինչը ցածր է նախորդ տարվա նույն ժամանակահատվածի ցուցանիշից 37 տոկոսով։

2009 հունվար-օգոստոսին Հայաստանում արտաքին առևտրաշրջանառության ծավալը կազմել է 2360 մլն. ԱՄՆ դոլար՝ նախորդ տարվա նույն ժամանակահատվածի համեմատ կրճատվելով  29,9 %-ով։

Պետբյուջեի համաձայն՝ Հայաստանում ՀՆԱ-ի աճը  2009թ.-ի համար ծրագրված է 9,2%-ի մակարդակում։--0—