հեղինակների անիմացիոն հետահայաց ֆիլմերը կամենում են դիտել Ֆրանսիայում, Իտալիայում, Անգլիայում, ՀԱՀ-ում և Բրազիլիայում, ասաց ReAnimania փառատոնի տնօրեն Վրեժ Քասունին։
ReAnimania երևանյան միջազգային անիմացիոն ֆիլմերի փառատոնը կանցկացվի հոկտեմբերի 3-ից 6-ը: ReAnimania նախագծի նպատակը անիմացիոն արվեստի զարգացմանն օժանդակելն է, համաշխարհային կարգի նկարիչ-անիմատորների նոր սերնդի դաստիարակությունը և համաշխարհային ասպարեզում հայ անիմատորների աշխատանքների ցուցադրության նպատակով համաժողովի կազմակերպումը, ինչպես նաև հայ հանդիսատեսին իրենց երկրից լավագույն անիմացիոն ֆիլմերի նմուշները ներկայացնելը։
«Մինչև մեր վեբ-կայքի ստեղծումը շատերը նույնիսկ պատկերացում չունեին, որ Հայաստանում կան անիմատորներ, իսկ անիմացիոն արվեստի պատմությունը կազմում է 70 տարի»,- հինգշաբթի լրագրողներին ասաց Քասունին։
Միաժամանակ նա նշեց, որ նշված երկրներից ստացվել են նամակներ, որոնցում խնդրանք կա ներկայացնել հայ անիմատորների հետահայաց ֆիլմերի ծրագիր։
«Մենք ահջողություն ենք համարում այն, որ դեռևս մինչև մեր փառատոնի սկիզբը, մինչև դռների բացումն ու կինոթատրոններում վարագույրների բարձրացումը, հինգ երկիր ցանկություն է հայտնել իր տարածքում կազմակերպել մեր ֆիլմերի ցուցադրությունը»,- ընդգծեց փառատոնի տնօրենը։
Բացի այդ, Քասունու խոսքերով, որոշ լիամետրաժ ֆիլմերի պրեմիերաները և մանկական ծրագիրը փառատոնի շրջանակներում կցուցադրվեն նաև Դիլիջանում։
«Մենք համագործակցում ենք «Նարեկացի» մշակութային կենտրոնի և «Շուշիի վերածնունդ» հիմնադրամի հետ, և նախատեսում ենք, որ մինչև տարեվերջ մեզ կհաջողվի կազմակերպել փառատոնի լավագույն ֆիլմերի ցուցադրություն Շուշիում (Լեռնային Ղարաբաղ)»,- պարզաբանեց նա։
ReAnimania փառատոնի գործընկերներն են, մասնավորապես, անիմացիայի ֆրանսիական Անսի կինոփառատոնը, Շտուտգարտի կինոփառատոնը, Aardman Studio-ն, «Գալուստ Գուլբենկյան» հիմնադրամը, «Ոսկե ծիրան» միջազգային կինոփառատոնը, Հայաստանի ազգային կինոկենտրոնը և Մշակույթի նախարարությունը։ -0-
