Ռուսաստանյան տարածաշրջանային նոր Sukhoi Superjet 100 ինքնաթիռի առաջին պատվերների ֆինանսավորման մեխանիզմները ռուսական «Աէրոֆլոտ» ավիաընկերության, հայկական «Արմավիա» և իտալական Italy-ի համար ներկայումս արդեն որոշվել են, հինգշաբթի լրագրողներին հայտնել է «Սուխոյ» հոլդինգի ղեկավար Միխայիլ Պողոսյանը, տեղեկացնում է «ՌԻԱ Նովոստին»։
«Այսօր ունենք (SSJ100) ինքնաթիռի իրական մոտ 120 պատվեր, բայց միաժամանակ այդ պատվերների մի մասը ֆինանսավորման մեխանիզմներ է պահանջում, քանի որ ընկերությունների մի մասը և ֆինանսավորման նախատեսված մեխանիզմները փոփոխություններ են պահանջում։ Ահա ներկայումս «Աէրոֆլոտի» մասով ֆինանսավորման մեխանիզմները որոշված են, «Արմավիայի» և Italy-ի մասով որոշված են։ Մյուսները դեռ պետք է կողմնորոշվեն»,- ասել է Պողոսյանը։
«Սուխոյի քաղաքացիական ինքնաթիռներ» ՓԲԸ (մտնում է «Սուխոյի» կազմի մեջ) կողմից՝ Boeing-ի հետ համատեղ արտադրած Sukhoi Superjet 100 քաղաքացիական ինքնաթիռը նախատեսված է մինչև 98 ուղևորի փոխադրման համար՝ մինչև 4,4 հազար կիլոմետր հեռավորության վրա։ Առաջինը Superjet 100-ը ներկայացվել ՝ հանրությանը 2007 թվականի սեպտեմբերի 26-ին Կոմսոմոլսկ Ամուրի գործարանում։ Այնտեղ էլ 2008 թվականի մայիսի 19-ին այն հաջողությամբ կատարել է առաջին թռիչքը։ -0-
