Քսանամյա մի երիտասարդ ձորն է ընկել

Երևանում 20-ամյա մի երիտասարդ ձորն է ընկել, չորեքշաբթի հաղորդում է ՀՀ ԱԻՆ Փրկարար ծառայությունը:

«Սեպտեմբերի 9-ին, ժամը 04.45-ին ահազանգ է ստացվել այն մասին, որ Երևանի Թաիրովի փողոցի թիվ 14 շենքին հարակից ձորն ավտոմեքենա է ընկել: Սակայն դեպքի վայր մեկնած փրկարարները պարզել են, որ սայթաքել ու ձորն է ընկել մի երիտասարդ», - ասվում է տեղեկատվության մեջ:

Փրկարարները ձորից դուրս են բերել 20-ամյա Ռուբեն Հարությունյանին, որը շտապօգնության ավտոմեքենայով տեղափոխվել է Երևանի «Էրեբունի» բժշկական կենտրոն: Ըստ բժիշկների` տուժածի առողջական վիճակը բավարար է:-0-